جەرگىلىكتى پوليسيا قىزمەتى وكىلدەرى ەكى دوڭگەلەكتى كولىك جۇرگىزۋشىلەرىنىڭ جۇرگىزۋ ءتارتىبىن ساقتاماۋىنان تۋىنداپ وتىرعان ستاتيستيكاعا الاڭداۋلى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ولار ءۇشىن جول قوزعالىسى ەرەجەسى، پاراساتتىلىق جانە ءوزىن-وزى ساقتاۋ ينستينكتى جوق سياقتى. ولار اۆتوكولىكتەردىڭ اراسىندا ويلانباستان مانيەۆر جاسايدى، اپاتتىق جاعدايلار تۋىنداتادى، باعدارشامنىڭ قىزىل تۇسىنە ءوتىپ كەتەدى، قاراما-قارسى جولاققا، جاياۋ جۇرگىنشىلەر جولىنا شىعادى – ءبىر سوزبەن ايتقاندا، كەنەتتەن پايدا بولادى جانە كەنەتتەن جوعالىپ كەتەدى. الدىن الۋ شارالارى كەڭىنەن جۇرگىزىلگەنىمەن، موپەد جۇرگىزۋشىلەرى تاراپىنان ءالى دە بولسا جقە بۇزۋعا جول بەرىلۋدە، ويتكەنى ولاردىڭ كوپشىلىگى جازاسىز قالاتىنىنا سەنىمدى. ءبىراق بۇل جالعان سەنىم، قۇقىقبۇزۋشىلىق انىقتالعان جاعدايدا پوليسيا شارا قولدانادى، جۇرگىزۋشىنى اكىمشىلىك جاۋاپكەرشىلىككە تارتىپ، كولىك قۇرالىن ايىپپۇل تۇراعىنا قويادى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باسشىسى ەرجان ۇزابايەۆ.
بايانداماشى، ءموبيلدى كولىك جۇرگىزۋشىلەرىنىڭ جەكە قاۋىپسىزدىگى ءۇشىن تۇندە جول ءجۇرۋ كەزىندە كيىمدەرىندە نەمەسە كولىك قۇرالدارىندا قوسىمشا شاعىلىستىراتىن ەلەمەنتتەردىڭ بولۋى قاجەت دەپ سانايدى.