ءقازىر جول اقىسى 80 تەڭگە.
الماتىدا قوعامدىق كولىكتە جول ءجۇرۋ اقىسى كوتەرىلۋى مۇمكىن، دەپ حابارلايدى Almaty-akshamy.kz
بۇل تۋرالى بريفينگ بارىسىندا قالا اكىمىنىڭ ورىنباسارى سەرىك قۇسايىنوۆ ءمالىم ەتتى.
اكىم ورىنباسارىنىڭ ايتۋىنشا، ءتاريفتى كوتەرۋ – مىندەت ەمەس، قاجەتتىلىك.
«تاريفتەردى كوتەرۋ قاجەت. ءقازىر جول اقىسى 80 تەڭگە. ءبىز ءتاريفتى ەرتەڭ كوتەرەمىز دەپ وتىرعان جوقپىز. ءتاريفتى كوتەرەتىن بولساق، قالا تۇرعىندارىمەن اقىلداساتىن بولامىز. بۇل وتە وزەكتى ماسەلە. بۇل سۇراققا كوكتەمدە قوعامدىق تالقىلاۋلاردان كەيىن قايتا ورالامىز دەپ ويلايمىن»، - دەدى سەرىك قۇسايىنوۆ.
الماتىدا بۇگىندە 2400-دەن استام قوعامدىق كولىك جۇمىس ىستەيدى. ونىڭ ىشىندە 515 گازبەن جۇرەتىن اۆتوبۋس، 196 تروللەيبۋس، 15 ەلەكتروبۋس جانە 1715 ديزەلدى اۆتوبۋس بار. «الماتىەلەكتروترانس» بيىلعى جانە الداعى جىلدارى گازبەن جۇرەتىن 300 اۆتوبۋس ساتىپ الۋدى جوسپارلاپ وتىر.