كولىك اپاتىنان بەس ادام جاراقاتتانىپ، ەكەۋى كوز جۇمدى
جول اپاتى جاندوسوۆ پەن شايمەردەنوۆ كوشەلەرىنىڭ قيىلىسىندا بولعان، دەپ حابارلايدى Almaty-akshamy.kz.
Mitsubishi Carisma كولىگى دۇكەن الدىندا تۇرعان، ونىڭ ىشىندە ءۇش ادام بولعان. سول ۋاقىتتا جاندوسوۆ كوشەسىمەن جوعارى جىلدامدىقتا كەلە جاتقان Subaru Legacy كولىگى شايمەردەنوۆ كوشەسىنىڭ قيىلىسىندا رولگە يە بولا الماي، قارسى جولاققا شىعىپ، دۇكەن الدىندا تۇرعان Mitsubishi كولىگىنە سوعىلدى. قاتتى سوققىدان ەكى كولىك تە ونداعان مەترگە ۇشىپ كەتكەن. سول ۋاقىتتا Subaru شام باعاناسىن قۇلاتىپ، تاعى بىرەۋىنە سوعىلادى. اپات سالدارىنان Mitsubishi كولىگىندەگى 1985 جىلعى جۇرگىزۋشى مەن 1987 جىلعى جولاۋشى سول جەردە كوز جۇمدى. بەس ادام – Subaru كولىگىنىڭ جۇرگىزۋشىسى مەن ءۇش جولاۋشىسى، Mitsubishi-دە بولعان تاعى ءبىر جولاۋشى جاراقات الدى. ولاردىڭ بارلىعى اۋرۋحاناعا جەتكىزىلدى.
وقيعا ورنىندا پوليسيا اپاتتىڭ سەبەبىن انىقتاۋ ءۇشىن جۇمىس ىستەپ جاتىر. Subaru كولىگىنەن ۆيسكي الكوگولدىك ىشىمدىگى تابىلدى.