الماتىدا «جوعارى لاۋازىمدى شەنەۋنىكتەردىڭ كومەكشىسى» ۇستالدى

سىبايلاس جەمقورلىققا قارسى قىزمەت مەملەكەتتىك ورگانداردىڭ قىزمەتىنە بايلانىستى قانداي دا ءبىر ماسەلەنى شەشۋ سىلتاۋىمەن الاياقتىقتىڭ، ونىڭ ىشىندە پارا بەرۋگە يتەرمەلەۋمەن ۇشتاسقان الاياقتىقتىڭ جالعاسىپ جاتقان جاعدايلارىنا نازار اۋدارادى، دەپ حابارلايدى almaty-akshamy.kz

الماتى قالاسى بويىنشا سىبايلاس جەمقورلىققا قارسى قىزمەت دەپارتامەنتى 1986 جىلى تۋعان قالا تۇرعىنىنا قاتىستى قىلمىستىق ءىستى تەرگەۋدە. ول ءوزىن قۇقىق قورعاۋ ورگاندارىنىڭ قىزمەتكەرى، جوعارى لاۋازىمدى شەنەۋنىكتەردىڭ كومەكشىسى رەتىندە تانىستىرىپ، ءارتۇرلى ماسەلەلەردى شەشۋ بويىنشا ءوز قىزمەتتەرىن ۇسىنعان.

سونداي-اق، الداۋ جانە سەنىمدى تەرىس پايدالانۋ ارقىلى ازاماتتاردىڭ مۇلكىن اسا ءىرى كولەمدە جىمقىرعان. اقشالاي قاراجات مەملەكەتتىك ورگانداردا وڭ شەشىم قابىلداتۋعا ارنالعان.

كۇدىكتى سوتتىڭ سانكسياسىمەن قاماۋعا الىندى. قولدا بار مالىمەتتەرگە سايكەس، ازامات باسقا دا وسىنداي قىلمىستار جاساعان بولۋى مۇمكىن.

ەگەر ءسىز نەمەسە ءسىزدىڭ تانىستارىڭىز كۇدىكتىنىڭ ارەكەتىنەن زارداپ شەگىپ، سونداي-اق تەرگەۋ امالدارىنا پايدالى اقپاراتقا يە بولسا، سىبايلاس جەمقورلىققا قارسى قىزمەتكە كەلەسى تاسىلدەردىڭ بىرىمەن حابارلاسۋىڭىزدى سۇرايمىز:

1. دەپارتامەنتكە مىنا مەكەنجاي بويىنشا حابارلاسىڭىز: الماتى قالاسى، جىبەك جولى كوشەسى، 15


2. 2. 8 (7272) 78-73-00 نەمەسە 1424 نومىرلەرىنە قوڭىراۋ شالىڭىز


3. 3. Telegram-بوت @antikorkz_bot جازىڭىز