تۇركسىب اۋدانىندا بيىل 342 ءۇي تالشىقتى-وپتيكالىق بايلانىس جەلىسىنە قوسىلدى.
تەلەكوممۋنيكاسيالىق ينفراقۇرىلىمدى دامىتۋ شەڭبەرىندە الماتىدا جوعارى جىلدامدىقتاعى ينتەرنەتكە قوسۋ جۇمىستارى جالعاسىپ جاتىر. بۇل تۋرالى قالا اكىمى ەربولات دوسايەۆ تۇركسىب اۋدانىنىڭ تۇرعىندارىمەن كەزدەسۋ بارىسىندا ايتتى، دەپ حابارلايدى Almaty-akshamy.kz.
«بيىل 342 ءۇي تالشىقتى-وپتيكالىق بايلانىس جەلىسىنە قوسىلدى، ونىڭ ىشىندە قايرات شاعىن اۋدانىندا - 317 جانە المەرەك شاعىن اۋدانىندا – 25 ءۇي. 2022 جىلدىڭ سوڭىنا دەيىن 25 مىڭعا جۋىق حالىق تۇراتىن باۋم توعايى، نيجنيايا پياتيلەتكا شاعىن اۋداندارىن قوسۋ جوسپارلانعان»،- دەدى قالا اكىمى.
ەربولات دوسايەۆتىڭ ايتۋىنشا، جولدار مەن ادام كوپ جينالاتىن جەرلەردى بەينەباقىلاۋ جۇيەسىمەن كوپتەپ قامتۋ ارقىلى قاۋىپسىزدىكتى قامتاماسىز ەتۋگە كوپ كوڭىل بولىنەدى.
«بيىل جولدارداعى سەرگەك اپپاراتتىق-باعدارلامالىق كەشەندەرىنىڭ سانى 2 ەسە، ياعني 82-دەن 160-قا دەيىن كوبەيتىلەدى (جەلىلىك ۋچاسكەلەردە 141 اپپاراتىق-باعدارلامالىق كەشەن، قيىلىستاردا 19).قوسىمشا 322 بەينەباقىلاۋ كامەراسى ورناتىلادى، ونىڭ 111ء-ى جول قيىلىستارىنا، 76-سى اۋلالارعا، 18ء-ى پاركتەر مەن سكۆەرلەرگە، 90-ى ءبىلىم بەرۋ جانە دەنساۋلىق ساقتاۋ وبەكتىلەرىنە، 15ء-ى ءدىني وبەكتىلەرگە، 10-ى بازارلارعا ورناتىلادى»،- دەدى قالا جەتەكشىسى.