قىزدى ەڭبەكشىقازاق اۋدانى ەسىك قالاسىنىڭ ءتارتىپ ساقشىلارى تاپتى.
الماتىدا جوعالعان 14 جاستاعى زويا يۋركوۆا ەسىك قالاسىنان تابىلدى. بۇل تۋرالى وزدەرىنىڭ Instagram پاراقشاسىندا LIDER.KZ ەرىكتىلەرى جازدى، دەپ حابارلايدى Almaty-akshamy.kz.
«18.09.2021 جىل. ساعات تۇنگى 02.23. ەرىكتىلەر ىزدەۋدى توقتاتىپ الماتىعا قايتىپ بارادى. قىزدى ەڭبەكشىقازاق اۋدانى ەسىك قالاسىنىڭ پوليسياسى تاپتى. ول ءدىن امان. اتا-اناسىنا تابىستالدى»، – دەپ جازدى ولار.
سونداي-اق، ەرىكتىلەر توبى ىزدەۋگە قاتىسقان، حابارلامانى تاراتۋعا ۇلەس قوسقان بارشا قازاقستاندىققا العىس ءبىلدىردى.
بۇعان دەيىن زويا يۋركوۆا 16 قىركۇيەك كۇنى جوعالعانى تۋرالى جازعانبىز. ول دوكۋچايەۆ كوشەسىندەگى №91 مەكتەپتەن شىعىپ، ۇيىنە ورالماعان.