الماتىدا تۋريزم سالاسىنداعى جوبالاردى قولداۋ ءۇشىن «ءبىر تەرەزە» فورماتىنداعى جوبالىق كەڭسە اشىلدى
الماتى قالاسىنىڭ تۋريزم باسقارماسى مەن «Almaty Business Development Company» ج ش س بىرلەسىپ، تۋريزم سالاسىنداعى جوبالاردى قولداۋ ءۇشىن «ءبىر تەرەزە» (One Stop Shop) فورماتىنداعى جوبالىق كەڭسەنى ىسكە قوستى، دەپ حابارلايدى aqshamnews.kz
ماقساتى – الماتىدا تۋريستىك جوبالاردى جۇزەگە اسىرۋعا قىزىعۋشىلىق تانىتقان ينۆەستورلار مەن كاسىپكەرلەرگە كەشەندى قولداۋ كورسەتۋ.
«ءبىر تەرەزە» فورماتى كاسىپكەرلەرگە بارلىق قاجەتتى كونسۋلتاسيالار مەن قىزمەتتەردى ءبىر جەردەن الۋعا مۇمكىندىك بەرىپ، ينۆەستورلاردىڭ ۋاقىتىن جانە رەسۋرستارىن ۇنەمدەيدى.
جوبالىق كەڭسەنىڭ نەگىزگى قىزمەتتەرى:
- كونسۋلتاسيالىق قولداۋ: تۋريستىك جوبالاردى جۇزەگە اسىرۋعا قاتىستى بارلىق سۇراقتار بويىنشا، سونىڭ ىشىندە زاڭنامالىق تالاپتار مەن اكىمشىلىك راسىمدەر بويىنشا كاسىبي كەڭەس بەرۋ.
- جوبالارعا جاردەمدەسۋ: ستراتەگيالىق جوسپارلاۋ، قۇجاتتاردى دايىنداۋ جانە مەملەكەتتىك ورگاندارمەن ءوزارا ءىس-قيمىلدى ۇيلەستىرۋدى قوسا العاندا، جوبانى جۇزەگە اسىرۋدىڭ بارلىق كەزەڭدەرىندە كومەك كورسەتۋ.
- مەملەكەتتىك قىزمەتتەردى الۋ: رۇقساتتار، ليسەنزيالار جانە باسقا دا قاجەتتى قۇجاتتاردى الۋعا جاردەمدەسۋ، بۇل تۋريستىك جوبالاردى ىسكە قوسۋ مەن جۇزەگە اسىرۋدى ەداۋىر جەدەلدەتەدى.
جوبالىق كەڭسە الماتىعا بىرەگەي تۋريستىك ونىمدەر مەن ينفراقۇرىلىمداردى جاساۋعا مۇددەلى جاڭا ينۆەستورلار مەن كاسىپكەرلەردى تارتادى دەپ كۇتىلۋدە. بۇل ءوز كەزەگىندە جاڭا جۇمىس ورىندارىن اشىپ، ءوڭىردىڭ ەكونوميكالىق وسۋىنە ىقپال ەتەدى. جاڭا جوبالىق كەڭسە بيزنەس وكىلدەرىمەن، كوممەرسيالىق ەمەس ۇيىمدارمەن جانە مەملەكەتتىك قۇرىلىمدارمەن ىنتىماقتاستىققا اشىق.
جوبالىق كەڭسەنىڭ مەكەنجايى:
الماتى قالاسى، بوستاندىق اۋدانى، بايزاقوۆ كوشەسى، 303، 2-قابات
جۇمىس كەستەسى:
دۇيسەنبى – جۇما، 9:00-دەن 18:00-گە دەيىن
تۇسكى ءۇزىلىس 13:00-دەن 14:00-گە دەيىن
بايلانىس:
تەلەفون: +7 (727) 225-10-83
ەلەكتروندى پوشتا: info@abdc.kz