الماتىنىڭ جەر قاتىناستارى باسقارماسىنىڭ باسشىسى ارداق سامابەتوۆ وڭىرلىك كوممۋنيكاسيالار قىزمەتىنىڭ بريفينگى كەزىندە جىل باسىنان بەرى اتقارىلعان جۇمىستار تۋرالى باياندادى. ول قازىرگى ۋاقىتتا باسقارمانىڭ 90%-دان استام قىزمەتتەرىنىڭ ونلاين رەجيمدە كورسەتىلىپ جاتقانىن اتاپ ءوتتى، سونداي-اق تاركىلەنگەن جەردىڭ ورنىنا قانداي نىساندار سالىنىپ جاتقانىن ايتتى، دەپ حابارلايدى almaty-akshamy.kz
ارداق سامامبەتوۆتىڭ ايتۋىنشا، جىل باسىنان بەرى باسقارما ماماندارى 10100 ءوتىنىشتى قاراعان، ونىڭ 8 مىڭعا جۋىعى جەكە تۇلعالاردان، قالعانى زاڭدى تۇلعالاردان. تاعى 9 114 مەملەكەتتىك قىزمەت ەلەكتروندى ۇكىمەتتىڭ ۆەب-سايتى ارقىلى (90% استام) جانە تىكەلەي مەملەكەتتىك ورگان ارقىلى كورسەتىلدى.
«بيىل جەر كوميسسيالارىنىڭ 25 وتىرىسى وتكىزىلدى، وندا قالالىقتاردىڭ 4500-دەن استام وتىنىشتەرى قارالدى، الماتى قالاسى اكىمدىگىنىڭ جەر تەلىمدەرىن تىركەۋ بويىنشا 500-دەن استام قاۋلىلارى قابىلداندى. نەگىزگى جۇمىس مەكتەپ، بالاباقشا مەن اۋرۋحانا سالۋ ءۇشىن جەر تەلىمدەرىن ىزدەستىرۋ بويىنشا جۇرگىزىلەدى. ناتيجەسىندە الاتاۋ اۋدانىندا الاڭى 12،2 گا جەر ۋچاسكەسى تابىلىپ، ق ر دسم جۇقپالى اۋرۋلار ۇلتتىق عىلىمي ورتالىعىنىڭ قۇرىلىسىنا بەرىلدى»، - دەدى ارداق سامامبەتوۆ.
جەر قاتىناستارى باسقارماسى اعىمداعى جىلى الاتاۋ اۋدانىنداعى راحات، مادەنيەت، العاباس جانە تەرەكتى شاعىن اۋداندارىنىڭ تۇرعىندارىنان شارۋا قوجالىعىنان باۋ-باقشاعا ارنالعان جەر ۋچاسكەلەرىنىڭ تاعايىندالعان ماقساتىن وزگەرتۋ تۋرالى 755 ءوتىنىشتى قاناعاتتاندىردى. بۇل جەردى تۇرعىن ۇيلەردى سالۋ ءۇشىن پايدالانۋعا مۇمكىندىك بەردى.
«جەتىسۋ اۋدانىندا 37، ناۋرىزبايدا 33، الاتاۋدا ەكى رۇقسات ەتىلمەگەن جەر تەلىمدەرىنىڭ ماسەلەلەرى شەشىلدى. ال مەدەۋ مەن تۇركسىب اۋداندارىندا ءارقايسىسى توعىز ۋچاسكە»، - دەيدى ارداق سامامبەتوۆ.
مەملەكەتتىك قاجەتتىلىكتەر ءۇشىن 9،8 ملرد تەڭگەنىڭ 159 جەر ۋچاسكەلەرى الىندى، بۇل 14 الەۋمەتتىك جانە ينفراقۇرىلىمدىق وبەكتىلەردىڭ قۇرىلىسىن اياقتاۋعا مۇمكىندىك بەردى. تاركىلەنگەن جەر تەلىمدەرىنىڭ ورنىنا بۋحتارمينسكايادا جول ايىرىعى سالىنۋدا، جاندوسوۆ كوشەسى كەڭەيتىلىپ، بالاباقشالار سالىنۋدا.
«قۇرىلىسى اياقتالىپ قالعان 7 نىسان بار، ولار 2021 جىلدىڭ سوڭىنا دەيىن ىسكە قوسىلدى. بۇل - اباي داڭعىلىن ياسساۋي كوشەسىنەن الماتى قالاسىنىڭ شەكاراسىنا دەيىن ۇڭعىلاۋ. رىسقۇلوۆ داڭعىلى مەن ەمسوۆ كوشەسىنىڭ قيىلىسىنداعى جولايرىعى، المالى اۋدانى بايزاقوۆ كوشەسىنىڭ باتىسىندا اباي داڭعىلىنىڭ سولتۇستىگىندە ورنالاسقان اكىمشىلىك عيماراتتىڭ قۇرىلىسى جۇرگىزىلۋدە. بوستاندىق اۋدانىندا باس جوسپاردى ىسكە اسىرۋ ءال-فارابي داڭعىلىنىڭ بويىندا ۆيتەبسكايا كوشەسىنىڭ قيىلىسىندا جالعاسۋدا»، - دەدى جەر قاتىناستارى باسقارماسىنىڭ باسشىسى.
سونىمەن قاتار، مادەنيەت شاعىناۋدانىنداعى مەكتەپكە باراتىن جول سالىنۋدا، سونداي-اق چيتينسكايا كوشەسىنىڭ بويىنداعى تۇركسىب اۋدانىندا كارىزدىك سورعى ستانسياسى سالىنۋدا.
ارداق سامامبەتوۆ الماتىدا قالانىڭ تاريحي ورتالىعىندا ورنالاسقان 9 وبەكتىنى قايتارۋ بويىنشا جۇمىستار جۇرگىزىلىپ جاتقانىن ايتتى. كەيىن بۇل جەردە قوعامدىق ورىندار ۇيىمداستىرىلادى.
ءسوزىنىڭ سوڭىندا جەر قاتىناستارى باسقارماسىنىڭ باسشىسى قازىرگى ۋاقىتتا الماتىدا جەر كاداسترى بازاسىن سيفرلاندىرۋ جۇرگىزىلىپ جاتقانىن، ونىڭ كومەگىمەن ءبىرقاتار قىزمەتتەر ونلاين رەجيمىندە كورسەتىلەتىنىن ايتتى. سونداي-اق، جەر قاتىناستارى مەن ساۋلەت سالاسىندا قىزمەت كورسەتۋگە ارنالعان گەوگرافيالىق اقپاراتتىق جۇيەنى تولتىرۋ جۇزەگە اسىرىلادى.