الماتىدا 28 گۆاردياشى-پانفيلوۆشىلار اتىنداعى ساياباقتاعى داڭق مەموريالى اۋماعىندا قالپىنا كەلتىرۋ جۇمىستارى قولعا الىندى. بۇل جۇمىستار ۇلى وتان سوعىسىنداعى جەڭىستىڭ 80 جىلدىعىن اتاپ وتۋگە وراي̆ ۇي̆ىمداستىرىلعان، دەپ حابارلايدى aqshamnews.kz
قالپىنا كەلتىرۋ جۇمىستارى ارناي̆ى كوميسسيانىڭ تەكسەرىسى ناتيجەسىندە باستالدى. كوميسسيا مەموريالداعى گرانيتتى جانە تاس پليتالاردىڭ، سونداي̆-اق كەسپە تاستىڭ توزۋ دەڭگەي̆ءىن باعالادى.
مەموريالدىق كەشەنگە 50 جىل بولدى، وسى ۋاقىت ىشىندە ونىڭ گرانيتتى جابىندىسى، تاس تاقتالارى مەن كەسپە تاستارى اي̆تارلىقتاي̆ توزعان، جارىقتار مەن كەي̆ جەرلەردە بۇزىلۋ بەلگىلەرى پاي̆دا بولعان. بۇل اۋماقتا سوڭعى 20 جىلدا جوندەۋ جۇمىستارى جۇرگىزىلمەگەن، سوندىقتان مەموريالدىڭ تاريحي كەلبەتىن ساقتاي̆ وتىرىپ، ونى باستاپقى قالپىنا كەلتىرۋ تۋرالى شەشىم قابىلداندى.
قالپىنا كەلتىرۋ جۇمىستارى داڭق مەموريالىنىڭ ورتالىق بولىگى – «ماڭگىلىك الاۋ» تۇعىرىنىڭ گرانيتتى تاستارىن قۇممەن تازالاۋدى قامتيدى. سونىمەن قاتار، گرانيتتى تاقتاتاس تازالانىپ، جاڭارتىلىپ، مەموريالدىق كەشەن مەن ۆوزنەسەنسك سوبورى اراسىنداعى كەسپە تاس اۋىستىرىلادى. جوندەۋ جۇمىستارىن 2025 جىلدىڭ ءساۋىر اي̆ىندا اياقتاۋ جوسپارلانىپ وتىر.
بۇل باستاماعا كەڭەس وداعىنىڭ باتىرى، ءاي̆گىلى قولباسشى يۆان پانفيلوۆتىڭ نەمەرەسى – الۋا باي̆قاداموۆا دا قولداۋ ءبىلدىردى.
«ماڭگىلىك الاۋداعى» تاقتالار 50 جىل بوي̆ى جاۋىن-شاشىن، قار، اپتاپ ىستىق جانە تەمپەراتۋرانىڭ اۋىتقۋىنان زارداپ شەكتى. الماتىدا اۋا راي̆ى كۇرت وزگەرەدى. سوڭعى 15 جىلدا مەموريالدىڭ بۇزىلۋىنا سكەي̆تبوردشىلار، ساموكاتشىلار مەن ۆەلوسيپەدشىلەر دە ۇلەس قوستى. ولارعا ەسكەرتكىشكە ءمان بەرمەدى. وسى فاكتورلاردىڭ بارلىعى گرانيت تاقتالاردىڭ جارىلۋىنا الىپ كەلدى. تاقتا استىنداعى بەتون ءىس جۇزىندە قۇمعا اي̆نالعانى دا انىقتالدى. قازىرگى تاڭدا زاقىمدانعان بەتون قاباتى الىنىپ، ارماتۋرا جاڭارتىلىپ، قيراعان تاقتالار عانا اۋىستىرىلىپ جاتىر»، – دەپ جازدى الۋا باي̆قاداموۆا الەۋمەتتىك جەلىدە.
28 گۆاردياشى-پانفيلوۆشىلار اتىنداعى ساياباق – تاريحي-ساۋلەت جانە مەموريالدىق كەشەن. ول 1942 جىلى ماسكەۋدى قورعاۋدا ەرلىكپەن قازا تاپقان 28 پانفيلوۆشى باتىردىڭ قۇرمەتىنە اتالدى. ال مەموريالدىق كەشەن 1975 جىلى 8 مامىردا، ۇلى جەڭىستىڭ 30 جىلدىعىندا اشىلدى.
ەستەرىڭىزگە سالا كەتەي̆ىك، 2024 جىلدىڭ كۇزىندە ساياباقتىڭ قازىبەك بي كوشەسى مەن پانفيلوۆ ەسكەرتكىشى ماڭىنداعى اۋماعى جوندەۋدەن ءوتتى. بۇل جەردەگى تاقتالار، پاندۋستار جانە باسپالداقتار ابدەن توزىپ، جاڭارتۋدى قاجەت ەتتى. 500 شارشى مەتر اۋماقتا گرانيتتى تاقتالار توسەلىپ، پاندۋستار ورناتىلىپ، جاڭبىر سۋىن اعىزۋ ءجۇي̆ەسى جۇرگىزىلدى