الماتىدا جەڭىس كۇنى مەرەكەسى سان-سالتاناتىمەن تويلانىپ جاتىر، دەپ حابارلايدى Almaty-akshamy.kz Inform.kz-كە سىلتەمە جاساپ.
مەرەكە تاڭعى ساعات 9.30-دا 28 گۆاردياشىل-پانفيلوۆشىلار اتىنداعى ساياباقتا ماڭگىلىك الاۋعا گۇل شوقتارىن قويۋدان باستالدى. وسى ساياباقتا قازاقستاندىق زاماناۋي اسكەري تەحنيكا مەن قارۋ-جاراقتىڭ كورمەسى ءوتىپ جاتىر. بۇدان بولەك، ەكىنشى دۇنيەجۇزىلىك سوعىس ارداگەرلەرى مەن تىل ەڭبەككەرلەرىنە اسكەري-دالالىق اس مازىرىمەن مەرەكەلىك تۇسكى اس بەرىلىپ، كونسەرت ۇيىمداستىرىلدى.
سونداي-اق قالا تۇرعىندارى «باتىرلارعا تاعزىم» اكسياسى اياسىندا ورتالىق مادەنيەت جانە دەمالىس ساياباعىنان 28 گۆاردياشىل-پانفيلوۆشىلار اتىنداعى ساياباققا دەيىن مايدانگەر اتا-اجەلەرىنىڭ سۋرەتتەرىن ۇستاپ ءجۇرىپ ءوتتى.
ايتا كەتەيىك، الماتىدا مەرەكەلىك ءىس-شارالار قالانىڭ باسقا اۋداندارىندا دا ءوتىپ جاتىر.