الماتىدا جەڭىل ونەركاسىپ كاسىپورىندارىنىڭ سەزى وتەدى

جيىن قازاقستاندىق ءىرى كاسىپورىنداردىڭ باسىن بىرىكتىرمەك

21 اقپاندا الماتىدا QAZTEXTILEINDUSTRY سرو (ءوزىن-وزى رەتتەيتىن ۇيىم) جانە قازاقستاننىڭ جەڭىل ونەركاسىپ كاسىپورىندارىنىڭ قاۋىمداستىعى ۇيىمداستىرۋىمەن قازاقستاننىڭ جەڭىل ونەركاسىپ كاسىپورىندارىنىڭ جالپى سەزى وتەدى، دەپ حابارلايدى Almaty-akshamy.kz.

بۇل جيىن جەڭىل ونەركاسىپتىڭ توقىما، تىگىن جانە باسقا دا سالالارىنداعى بارلىق قازاقستاندىق ءىرى كاسىپورىنداردىڭ باسىن بىرىكتىرمەك.

"وسى سالاداعى وندىرىستىك پروبلەمالاردىڭ اۋقىمى جىل سايىن ازايماي، تەك ۇلعايىپ كەلە جاتقانىن ەسكەرە وتىرىپ، ەكى ءىرى ۇيىم وتاندىق وندىرۋشىلەردىڭ مۇددەلەرىن قورعاۋ ماقساتىندا جەڭىل ونەركاسىپتى ءتيىمدى دامىتۋعا جانە كاسىپورىنداردىڭ كۇش-جىگەرىن بىرىكتىرۋگە باعىتتالعان بىرلەسكەن قىزمەت تۋرالى مەموراندۋمعا قول قويۋدى جوسپارلاپ وتىر"، - دەپ اتاپ ءوتتى QAZTEXTILEINDUSTRY سرو باسشىسى گۇلميرا ۋاحيتوۆا.

سونىمەن قاتار، سەزد اياسىندا جەڭىل ونەركاسىپشىلەر قازاقستاندىق جاستار اراسىندا جۇمىسشى ماماندىقتاردى قالاي تانىمال ەتۋ كەرەگىن تالقىلايدى، 2023 جىلعا ارنالعان ەكى ۇيىمنىڭ جۇمىس جوسپارىن بەكىتەدى، ال قازاقستاننىڭ جەڭىل ونەركاسىپ كاسىپورىندارىنىڭ قاۋىمداستىعى Qazaqstanda jasalgan ەكونوميكالىق ۇلتتىق قوزعالىسىنا رەسمي تۇردە كىرەدى دەپ كۇتىلۋدە.