الماتىدا جەڭىل ءجۇرىستى قىزدار ۇستالدى

ولار وزبەكستان ازاماتتارى بولىپ شىقتى. 

پوليسيا قىزمەتكەرلەرى جەڭىل ءجۇرىستى قىزداردى “زاڭسىز كەلۋشى” رەسپۋبليكالىق جەدەل الدىن الۋ ءىس-شاراسى بارىسىندا انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ءىس-شارا اياسىندا شەتەل ازاماتتارى ەڭ كوپ شوعىرلانعان ورىنداردا: جاتاقحانالار، قوناق ۇيلەر، قۇرىلىس الاڭدارى، قوعامدىق تاماقتانۋ ورىندارى جانە تاعى باسقا قوعامدىق ورىنداردا رەيدتەر جۇرگىزىلدى. وسىلايشا، قوناق ءۇي كەشەندەرىنىڭ بىرىندە ينتيمدىك قىزمەت كورسەتەتىن ايەلدەر ۇستالدى. ولاردىڭ اراسىندا 7 وزبەكستاندىق بيكەش بار. پد-نىڭ قابىلداپ-تاراتۋىنا جەكە باسىن كۋالاندىراتىن قۇجاتتارى جوق شەتەلدىك ايەلدەر ورنالاستىرىلادى. الداعى ۋاقىتتا كوشى-قون زاڭناماسىن بۇزعاندار ءۇشىن جاۋاپكەرشىلىككە تارتاۋ، سوتتاۋ جانە قازاقستاننان شىعارۋ قاراستىرىلادى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.

ەستەرىڭىزگە سالا كەتەيىك، 2 قازان مەن 8 قازان ارالىعىندا قالادا قر-دا زاڭسىز جۇرگەن شەتەلدىكتەردى انىقتاۋعا، سونداي-اق زاڭسىز كوشى-قون ارنالارىنىڭ جولىن كەسۋگە باعىتتالعان “زانسىز كەلۋشى” جالپى رەسپۋبليكالىق جەدەل الدىن الۋ ءىس-شاراسى وتەدى.