كوماندا قازاق سپورت جانە تۋريزم اكادەمياسىنىڭ بازاسىندا جاساقتالدى.
«كازاست» دەپ اتالاتىن ۇجىمنىڭ العا قويعان ماقساتى بار. ەندى فۋتبولشىلاردىڭ دوپ تەبە ءجۇرىپ، سپورت سالاسىندا ساپالى ءبىلىم الۋعا مۇمكىندىگى بار. ورتا مەكتەپتى بىتىرگەن بالالار اكادەميادا ىرىكتەۋدەن ءوتىپ، ءبىرىنشى كۋرسقا قابىلدانادى، دەپ حابارلايدى Almaty-akshamy.kz 24.kz-كە سىلتەمە جاساپ.
كەيىن فۋتبول نەمەسە فۋتزال ءبولىمىن تاڭداپ، ەل چەمپيوناتىنا قاتىسادى. جاڭا كوماندا ساپىنا جاستاردان بولەك، تاجىريبەلى ويىنشىلار دا الىندى. اتالعان كلۋب قازاقستاننىڭ ەكىنشى ليگاسىندا وينايدى. ولار العاشقى تۋردا «تۇران» جاستار كومانداسىمەن جولىعىپ، 2:1 ەسەبىمەن باسىم ءتۇستى.
«وسى كازاست كلۋبىمىز قازاقستان چەمپيوناتىندا ەكىنشى ليگاعا قاتىسىپ، ءوز باعىمىزدى سىناپ جاتقان جايىمىز بار. بۇل ارينە وسى وقۋ پروسەسىن، ستۋدەنتتەرىمىزدىڭ تەوريالىق ءبىلىمىن ودان ارى تاجىريبەدە شىڭداۋ ماقساتىندا»، - دەيدى قازاق سپورت جانە تۋريزم اكادەمياسىنىڭ پرورەكتورى مۇحتار ەسقالييەۆ.