الماتىدا جەدەل جاردەم كولىگى مەن جەڭىل اۆتوكولىك سوقتىعىسىپ، سالدارىنان "103" كولىگىنىڭ جولاۋشىسى قازا تاپتى، - دەپ حابارلايدى aqshamnews.kz ءتىلشىسى.
پوليسيا دەپارتامەنتىنىڭ مالىمەتىنشە، جول-كولىك وقيعاسى 3 جەلتوقسانعا قاراعان ءتۇنى، ساعات 00:40-تا الاتاۋ اۋدانىندا بولعان. العاشقى مالىمەتتەرگە سايكەس، جەدەل جاردەم كولىگىنىڭ جۇرگىزۋشىسى سايىن كوشەسىمەن سولتۇستىك باعىتتا كەلە جاتىپ، بۇرىلىس جاساۋ كەزىندە قارسى باعىتتاعى Kia اۆتوكولىگىمەن سوقتىعىسقان.
قاتتى سوققىنىڭ سالدارىنان ەكى كولىكتىڭ دە جۇرگىزۋشىلەرى مەن جولاۋشىلارى جاراقات العان. زارداپ شەككەندەر اۋرۋحاناعا جەتكىزىلگەن.
"2002 جىلى تۋعان جەدەل جاردەمنىڭ جولاۋشىسى العان جاراقاتتارىنان سوڭ بىرنەشە ساعاتتان كەيىن اۋرۋحانادا قايتىس بولدى. پوليسيانىڭ تەرگەۋ باسقارماسى ادام ولىمىنە اكەپ سوققان جول-كولىك وقيعاسى بويىنشا قىلمىستىق ءىس قوزعادى، قاجەتتى ساراپتامالار تاعايىندالدى"، - دەپ حابارلادى پوليسيا.