جوبالىق كەڭسە – بۇل جەرگىلىكتى اتقارۋشى ورگاندارعا، جوعارى وقۋ ورىندارىنا جانە ينۆەستورلارعا ارنالعان الاڭ.
ول ستۋدەنتتەردى تۇرعىن ۇيمەن قامتاماسىز ەتۋ ماسەلەسىن جۇيەلى تۇردە شەشۋ ءۇشىن قۇرىلعان. كەڭسەنىڭ اشىلۋىنا ق ر عىلىم جانە جوعارى ءبىلىم ءمينيسترى ساياسات نۇربەك پەن الماتى قالاسى اكىمىنىڭ ورىنباسارى ارمان قىرىقبايەۆ قاتىستى،-دەپ حابارلايدى اlmaty-akshamy.kz
بۇگىندە الماتىداعى ستۋدەنتتىك جاتاقحانالاردا 32 مىڭ ورىن جەتىسپەيدى. الماتى قالاسىن دامىتۋدىڭ 2025 جىلعا دەيىنگى باعدارلاماسى اياسىندا 12 مىڭ ورىندىق، ال 2030 جىلعا دەيىن تاعى 20 مىڭ ورىندىق جاتاقحانا سالۋ جوسپارعا ەنگەن. بىرلەسكەن جۇمىستى ودان ءارى جاقسارتۋ ءۇشىن ق ر عىلىم جانە جوعارى ءبىلىم مينيسترلىگى مەن الماتى قالاسىنىڭ اكىمدىگى اراسىندا ىنتىماقتاستىق تۋرالى مەموراندۋمعا قول قويىلدى. جوبالىق كەڭسە الماتى قالاسى، بايتۇرسىنوۆ كوشەسى، 22 مەكەنجايىندا ورنالاسقان.