كۇدىكتى ۋاقىتشا ۇستاۋ يزولياتورىنا قامالدى. قازىرگى ۋاقىتتا تەرگەۋ ءجۇرىپ جاتىر.
قاراعاندى پوليسياسى الماتىدا جاسىرىنىپ جۇرگەن الاياقتى ۇستادى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
10 مامىردا 58 جاستاعى قالا تۇرعىنى قاراعاندى قالاسىنىڭ پب ورتالىق پوليسيا بولىمىنە حابارلاسىپ، الاياقتىڭ ارباۋىنا تۇسكەنىن جەتكىزدى.
جابىرلەنۋشى بەلگىلى ءبىر ادامعا تاۋاردى ساتىپ الۋ ءۇشىن 105 مىڭ تەڭگە اۋدارعان. اقشانى العان ادام حابارسىز كەتكەن.
اتالعان فاكتى بويىنشا ق ر قك 190-بابى (الاياقتىق) بويىنشا قىلمىستىق ءىس قوزعالدى. پوليسيا الاياقتىڭ كىم ەكەنىن انىقتادى، ول 24 جاستاعى قاراعاندى قالاسىنىڭ تۇرعىنى بولىپ شىقتى. كۇدىكتى پوليسيادان جاسىرىنىپ، وسى ۋاقىتقا دەيىن بوي تاسالاپ جۇرگەن. 11 تامىزدا جەدەل ىزدەستىرۋ شارالارى بارىسىندا كريمينالدىق پوليسيا قىزمەتكەرلەرى قاشقىندى الماتى قالاسىنان ۇستادى.