الماتىداعى «كوكتوبە» تەلەمۇناراسى ماڭىنان ەكى تەگىس ۇڭعىلى مىلتىق پەن وق-دارىلەر تابىلدى، دەپ حابارلايدى Almaty-akshamy.kz Elorda.info-عا سىلتەمە جاساپ.
قالالىق پوليسيا دەپارتامەنتىنىڭ مالىمەتىنشە، اۋماقتى ينسپەكتور-كينولوگ قىزمەتتىك ءىز كەسۋشى يت كومەگىمەن تەكسەرىپ شىققان.
«ولار بۇتالاردىڭ اراسىنان ەكى مىلتىق تاپتى. تابىلعان زات ساراپتاماعا جىبەرىلدى. ولار جاپپاي تارتىپسىزدىك بارىسىندا ۇرلانۋى جانە قىلمىستىق ماقساتتا پايدالانىلۋى مۇمكىن»، - دەپ مالىمدەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.