مۇنداي جۇمىستار اۋرۋ مەن زيانكەستەردەن قورعاۋ ماقساتىندا جۇرگىزىلەدى.
الماتىدا شىلدەنىڭ 19-نان 20-سىنا قاراعان ءتۇنى اۋرۋ مەن زيانكەستەردەن قورعاۋ ماقساتىندا جاسىل جەلەكتەرگە بيولوگيالىق وڭدەۋ جۇمىستارى جۇرگىزىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالالىق ەكولوگيا باسقارماسىنىڭ مالىمەتىنشە، اۋەزوۆ اۋدانىنىڭ قويشىمانوۆ كوشەسىندە (شالياپين-ساين كوشەلەرى اراسى)، بەرەگوۆايا كوشەسىندە (جاندوسوۆ- شالياپين كوشەلەرى اراسى)، ساين جانە اباي كوشەلەرى، رايىمبەك جانە مومىش ۇلى كوشەلەرى قيىلىسىنداعى جولايرىق بويىندا، «تاۋگۇل-1» ىقشام اۋدانىنداعى بوتانيكالىق باقتا بيولوگيالىق وڭدەۋ جۇمىستارى جۇرگىزىلدى.
«جۇمىس بارىسىندا قازاقستان اۋماعىندا قولدانۋعا رۇقسات ەتىلگەن «Green Gold» سەرتيفيكاتتالعان بيولوگيالىق پرەپاراتى قولدانىلدى. بۇل پرەپارات زيانكەستەردىڭ سانىن ناقتى باقىلاۋدى، سونداي-اق ۇزاق مەرزىمدى قورعاۋدى جانە جوعارى تيىمدىلىكتى قامتاماسىز ەتەدى»،- دەپ حابارلادى باسقارمادا.