الماتىنىڭ ەكولوگيا جانە قورشاعان ورتا باسقارماسى «جاسىل اۋلا» ناۋقانىنىڭ باستالعانىن حابارلايدى.
قالا تۇرعىندارىنان كوپقاباتتى ۇيلەردىڭ اۋلالارىن كوگالداندىرۋ ماقساتىندا جاپىراقتى اعاش كوشەتتەرىن الۋعا وتىنىمدەر قابىلدانۋدا. كوشەتتەر تەگىن بەرىلەدى، - دەپ حابارلايدى Aqshamnews.kz.
ناۋقان اياسىندا ءبىر ادامعا 20-عا دەيىن كوشەت بەرىلەدى. ءوتىنىش بەرۋشى وتىرعىزىلعان اعاشتارعا الداعى ءۇش جىل بويى كۇتىم جاساۋ جونىندە كەپىلدىك مىندەتتەمەسىنە قول قويۋعا ءتيىس.
ءوتىنىم 2025 جىلى 12 قازانعا دەيىن قابىلدانادى. كورسەتىلگەن مەرزىمنەن كەيىن جىبەرىلگەن ءوتىنىم قابىلدانبايدى.
قاتىسۋ ءۇشىن zhasyl_aula_2025@bk.ru ەلەكتروندىق پوشتاسىنا كەلەسى مالىمەتتەردى جىبەرۋ قاجەت:
1. قاتىسۋشىنىڭ ءاتى-جونى مەن بايلانىس ءنومىرى، اعاش ەگىلەتىن ورنىنىڭ ناقتى مەكەنجايى؛
2. اعاش وتىرعىزىلاتىن جەردىڭ فوتوسى (ماماندارعا ورىندى تولىق باعالاۋعا مۇمكىندىك بەرۋ ءۇشىن پانورامالىق فورماتتا بولعانى ءجون)؛
3. قاجەتتى كوشەت سانى.
كوشەتتەر 2025 جىلى 18–19 قازانعا الماتى قالاسى، تۇركسىب اۋدانى، ت. رىسقۇلوۆ كوشەسى، 1/1 («Eco Almaty» ج ش س) مەكەنجايىندا تاراتىلادى. وتىرعىزىلعان كوشەتتەردىڭ فوتوەسەبىن جولداۋ قاجەت.
قوسىمشا اقپارات الۋ ءۇشىن الماتى قالاسىنىڭ ەكولوگيا جانە قورشاعان ورتا باسقارماسىنىڭ جاسىل قوردى باسقارۋ بولىمىنە مىنا بايلانىس نومىرلەرى ارقىلى حابارلاسۋعا بولادى: +7 778 382 60 01، +7 727 338 31 06.
«جاسىل اۋلا» ناۋقانى جەكە تۇرعىن ءۇي سەكتورىنىڭ (جتق) تۇرعىندارىنا، الماتى وبلىسى تۇرعىندارىنا جانە زاڭدى تۇلعالارعا ارنالماعان.