ناۋقانعا قاتىسۋشىلار وتىرعىزىلعان اعاشتاردى الداعى ەكى جىل بويى كۇتىپ-باپتاۋ تۋرالى كەپىلدى مىندەتتەمەگە قول قويادى
ناۋقانعا قاتىسۋ تۋرالى ءوتىنىش بەرگەن تۇرعىندارعا 2400 جاپىراقتى كوشەت بەرىلەدى، دەپ حابارلايدى Almaty-akshamy.kz.
بيىلعى ناۋقاندا جەكە جانە زاڭدى تۇلعالاردان 191 ءوتىنىش كەلىپ ءتۇستى. بۇل كورسەتكىش بىلتىرعى جىلمەن سالىستىرعاندا 50%-عا جوعارى.
ەسكە سالا كەتسەك، جاسىل ەكونوميكا باسقارماسى جىل سايىن كوكتەمدە جانە كۇزدە "جاسىل اۋلا" ناۋقانىن وتكىزەدى.
باستى ماقسات – اۋلالار مەن جالپى قولدانىستاعى اۋماقتاردى كوگالداندىرۋ، ەكولوگيالىق مادەنيەتتى قالىپتاستىرۋ. كوپقاباتتى ۇيلەر اۋلاسى مەن قوعامدىق كەڭىستىكتەردى كوگالداندىرۋعا نيەتتى ءاربىر الماتىلىققا شاعان، ۇيەڭكى، شەگىرشىن، تەرەك، قاراعان مەن قايىڭنىڭ كوشەتتەرى تەگىن بەرىلەدى.
ناۋقانعا قاتىسۋشىلار وتىرعىزىلعان اعاشتاردى الداعى ەكى جىل بويى كۇتىپ-باپتاۋ تۋرالى كەپىلدى مىندەتتەمەگە قول قويادى. اعاشتاردى جاقىن كۇندەرى وتىرعىزىپ، باسقارماعا فوتو ەسەپ جولداۋ قاجەت.
