الماتى قالاسىندا جاستار كوميۋنيتي ورتالىقتارىنىڭ جەتەكشىلەرى مەن ۇيلەستىرۋشىلەرىنە ارنالعان وقىتۋ سەمينارى ۇيىمداستىرىلدى. اتالعان شارا «ءاربىر ادام ماڭىزدى» جوباسىنىڭ اياسىندا ءوتتى جانە ونىڭ باستى ماقساتى — مۇمكىندىگى شەكتەۋلى جاستارمەن ءتيىمدى، قۇرمەتكە نەگىزدەلگەن ءارى قولجەتىمدى قارىم-قاتىناس ورناتۋ جولدارىن ۇيرەتۋ بولدى.
سەمينار بارىسىندا قاتىسۋشىلار جاستارمەن ينكليۋزيۆتى تىلدەسۋ مادەنيەتىن قالىپتاستىرۋ، ولاردى قوعام ومىرىنە تارتۋ، سونداي-اق اشىق ءارى ءقاۋىپسىز ديالوگ قۇرۋعا ارنالعان تاسىلدەرمەن تانىستى. وقىتۋ بارىسىندا قابىلداۋ ەرەكشەلىكتەرى، كوممۋنيكاسيالىق كەدەرگىلەر جانە ولاردى ەڭسەرۋ جولدارى بويىنشا تەوريالىق ءارى پراكتيكالىق مالىمەتتەر ۇسىنىلدى.
ۇيىمداستىرۋشىلاردىڭ ايتۋىنشا، بۇل سەمينار — ينكليۋزيۆتى قوعام قالىپتاستىرۋ جولىنداعى ناقتى قادام. «قاتىسۋشىلار مۇمكىندىگى شەكتەۋلى جاستاردىڭ قابىلداۋ ەرەكشەلىكتەرىن، قارىم-قاتىناستاعى توسقاۋىلداردى تەرەڭىرەك ءتۇسىنىپ، ناقتى جاعدايلاردا قولدانۋعا بولاتىن قۇرالدارمەن تانىستى. بۇل بىلىمدەر ولاردىڭ كۇندەلىكتى جۇمىسىنا وڭ اسەر ەتەدى دەپ سەنەمىز»، — دەدى جوبا ۇيلەستىرۋشىلەرى.
«ءاربىر ادام ماڭىزدى» جوباسى — ءاربىر جاس ءوز قۇندىلىعىن سەزىنىپ، ويىن ەركىن جەتكىزە الاتىن، تىڭدالۋعا مۇمكىندىگى بار ورتانى قالىپتاستىرۋعا باعىتتالعان باستاما. جوبا اياسىندا ينكليۋزيۆتى باعىتتاعى ءتۇرلى سەمينارلار، ترەنينگتەر مەن قوعامدىق ءىس-شارالار ۇيىمداستىرىلىپ كەلەدى. بۇل – جاستار اراسىندا تەڭ مۇمكىندىكتەردى ىلگەرىلەتۋگە جانە ءار ادامنىڭ ءۇنىن ەستۋگە باعىتتالعان ماڭىزدى قادام.
جوبا قاتىسۋشىلارى دا سەميناردان مول اسەر العاندارىن ايتىپ، العان بىلىمدەرى مەن تاجىريبەلەرىن الداعى ۋاقىتتا جاستارمەن جۇمىس ىستەۋ بارىسىندا پايدالانۋعا دايىن ەكەندىكتەرىن جەتكىزدى.
ايتا كەتەيىك، مۇنداي وقىتۋ سەمينارلارى ەلىمىزدىڭ باسقا وڭىرلەرىندە دە ۇيىمداستىرىلىپ، جاستار ساياساتىندا ينكليۋزيۆتىلىك قاعيداتتارىن ىلگەرىلەتۋگە سەرپىن بەرمەك.