الماتىدا جاستاردىڭ جاپپاي توبەلەسىنەن كەيىن پوليسيا تەرگەۋ جۇمىستارىن جۇرگىزىپ جاتىر.
الەۋمەتتىك جەلىدە قالادا توبەلەس ۇيىمداستىرعان جاستاردىڭ ۆيدەوسى تاراپ كەتتى، دەپ حابارلايدى Almaty-akshamy.kz
بەينەجازبادان بىرنەشە جىگىتتىڭ ءبىر جاس جىگىتتى قالاي ۇرىپ-سوققانىن كورۋگە بولادى.
الماتى قالالىق پوليسيا دەپارتامەنتىنىڭ مالىمەتىنشە، 28 ساۋىرگە قاراعان ءتۇنى «102» كەزەكشى پۋلتىنە روزىباكييەۆ پەن ەسقارايەۆ كوشەلەرىنىڭ قيىلىسىندا توبەلەس بولىپ جاتقانى تۋرالى شاعىم تۇسكەن.
«جەدەل باسقارۋ ورتالىعىنىڭ قىزمەتكەرلەرى وقيعا ورنىنا پوليسيانىڭ پاترۋلدىك ەكيپاجدارىن جىبەرىپ، قۇقىقبۇزۋشىلىقتى توقتاتىپ، توبەلەسكە قاتىسۋشىلاردى ۇستاپ، بوستاندىق اۋداندىق پوليسيا باسقارماسىنا جەتكىزدى.قازىرگى ۋاقىتتا ق ر قك-نىڭ 293-بابى 2-بولىگى بويىنشا سوتقا دەيىنگى تەرگەۋ امالدارى باستالدى»،- دەپ حابارلادى ۆەدومستۆودان.
توبەلەسكە قاتىسى بارلاردىڭ ءارقايسىسىنىڭ ارەكەتىنە قۇقىقتىق باعا بەرىلەتىن بولادى.