بۇگىن الماتى قالاسى اكىمىنىڭ ورىنباسارى ارمان قىرىقبايەۆ باق-تىڭ قاتىسۋىمەن 4 جاستار نىسانى بويىنشا جۇمىس ساپارىمەن تانىستى: جەتىسۋ اۋدانىنداعى جاستار كوميۋنيتي-ورتالىعىنىڭ جوندەۋ جۇمىستارىنىڭ بارىسىمەن، قازاقستان-بريتان تەحنيكالىق ۋنيۆەرسيتەتىنىڭ جاڭا جاتاقحاناسىنىڭ قۇرىلىسىنىڭ بارىسىمەن تانىستى، وزەكتى كاسىپتەردى قىسقا مەرزىمدى وقىتۋ ورتالىعىنا بارىپ، الماتى تەحنولوگيالىق ۋنيۆەرسيتەتىنىڭ جاتاقحاناسىن اشتى.
الماتى – 14 پەن 35 جاس ارالىعىنداعى 682 مىڭنان استام جاستار تۇراتىن جاستار قالاسى (تۇرعىنداردىڭ جالپى سانىنىڭ 32%)، ونىڭ 47،8 مىڭى-NEET-جاستارى. مەملەكەت باسشىسىنىڭ تاپسىرماسىن ىسكە اسىرۋ شەڭبەرىندە 2023 جىلدىڭ سوڭىنا دەيىن 8 جاستار كوميۋنيتي-ورتالىعى ىسكە قوسىلادى. 2025 جىلدىڭ سوڭىنا دەيىن ولاردىڭ سانى 16-عا دەيىن جەتكىزىلەدى.
الماتى اكىمىنىڭ ورىنباسارى ارمان قىرىقبايەۆ اتاپ وتكەندەي، ارالاۋ بارىسىندا – كەلەشەكتە كوميۋنيتي-ورتالىقتار جاستاردى قىزىقتىراتىن ورىنعا اينالادى، NEET ساناتىمەن جۇمىستى جاڭا دەڭگەيگە شىعارادى، ولاردىڭ جەكە ەسەبىن جۇرگىزۋگە مۇمكىندىك بەرەدى. الماتى اكىمدىگىنىڭ جوبالىق كەڭسەسى شەڭبەرىندە ازىرلەنگەن كوميۋنيتي-ورتالىقتاردىڭ تۇجىرىمداماسى ورتالىقتاردىڭ ءبىلىم بەرۋ، ءىس-شارالار، مادەني جانە پسيحولوگيالىق باعدارلامالارى ەسەبىنەن جاستاردى مۇددەلەر، الەۋمەتتىك-مادەني باعدارلامالاۋ بويىنشا بىرىكتىرۋ بولىپ تابىلادى.
"NEET-جاستارىمەن جۇمىس ىستەۋدەگى ماڭىزدى ماسەلەلەردىڭ ءبىرى-ينفراقۇرىلىمنىڭ تولىق بولماۋى. ءبىزدىڭ رەسپۋبليكا تاۋەلسىزدىك العاننان كەيىن جاستارمەن جۇمىستا جاڭا سىن-قاتەرلەر پايدا بولدى. ەگەر وقۋشى جانە ەكونوميكالىق بەلسەندى جاستارمەن جۇمىس ءبىلىم بەرۋ مەكەمەلەرىنىڭ قابىرعالارىندا جانە جۇمىسپەن قامتۋ ورىندارىندا جۇرگىزىلسە، وندا NEET ساناتى ءىس جۇزىندە ارتتا قالادى. سوندىقتان ءبىز جاستاردىڭ وسى ساناتىنا ەرەكشە نازار اۋدارامىز"، –دەپ اتاپ ءوتتى ارمان قىرىقبايەۆ.
سالىنىپ جاتقان كوميۋنيتي-ورتالىقتا ءۇي-جاي TikTok-ايماقتار، مەديا كەڭىستىك جانە قىزىعۋشىلىقتار بويىنشا ۇيىرمەلەر، ءارتۇرلى ماسەلەلەر بويىنشا جاستارعا كەڭەس بەرۋ جانە Open space ايماقتارى، سونداي-اق پسيحولوگ جانە زاڭگەر كابينەتتەرى، كەلىسسوزدەر، دارىستەر، سەمينارلار وتكىزۋگە ارنالعان بولمە، قازاق ءتىلىن وقىتۋ جانە IT-ساباقتارىن وتكىزەتىر ايماقتار بويىنشا بولىنەتىن كەڭىستىك بولادى. سالىناتىن كوميۋنيتي-ورتالىقتاردىڭ جالپى اۋدانى 300-500 شارشى مەتردى قۇرايدى.
ارمان قىرىقبايەۆ قبتۋ-دا سالىنىپ جاتقان جاتاقحانادا بولىپ، 980 جاڭا توسەك-ورىندى، سونداي-اق وزەكتى ماماندىقتارعا قىسقا مەرزىمدى وقىتۋ ورتالىعىن كورىپ قايتتى. جۇمىستاردى ورىنداۋ كەستەسىنە سايكەس جاڭا جاتاقحانانى پايدالانۋعا بەرۋ 2023 جىلدىڭ جەلتوقسان ايىنىڭ سوڭىنا دەيىن جوسپارلانعان.
"ءبىزدىڭ جوسپارلارىمىزدا ستۋدەنتتىك جاتاقحانالارداعى ورىن تاپشىلىعىن 2025 جىلعا قاراي 12 مىڭعا جانە 2030 جىلعا قاراي تاعى 20 مىڭ ورىنعا تومەندەتۋ. بۇگىندە قالادا 95 جاتاقحانا جۇمىس ىستەيدى، وندا 31 مىڭنان استام ستۋدەنت تۇرادى. تاپشىلىق 32 مىڭنان استام توسەك-ورىندى قۇرايدى. جاتاقحانالاردى سالۋ بويىنشا جۇمىستى ءتيىمدى ۇيلەستىرۋ ءۇشىن بيىل ناۋرىز ايىندا اكىمدىك عىلىم جانە جوعارى ءبىلىم مينيسترلىگىمەن بىرلەسىپ جاتاقحانالاردى سالۋ جونىندەگى جوبالىق كەڭسەنى ىسكە قوستى، ونى ىسكە قوسقان ساتتەن باستاپ بىزگە 100 – دەن استام الەۋەتتى ينۆەستور جۇگىندى"، - دەپ ءتۇسىندىردى اكىمنىڭ ورىنباسارى.
الماتىنىڭ دامۋ باعدارلاماسىنىڭ جول كارتاسى اياسىندا اعىمداعى جىلعا 2 مىڭ توسەك-ورىنعا ارنالعان جاتاقحانالار سالۋ جوسپارلانعان. بۇگىنگى تاڭدا جۇمىستا 42 جوبا بار، ونىڭ 28 – ءى جاڭا جاتاقحانالار سالۋدى، 14ء-ى جاتاقحانالار رەتىندە جۇمىس ىستەپ تۇرعان وبەكتىلەردى قايتا جاڭارتۋدى كوزدەيدى. 67 ينۆەستوردىڭ جوبالارى بويىنشا جەر ۋچاسكەلەرىن ىزدەۋ جۇرگىزىلۋدە. جىل سوڭىنا دەيىن 3 939 توسەك-ورىنعا ارنالعان 16 نىساندى پايدالانۋعا بەرۋ جوسپارلانۋدا، ونىڭ ىشىندە وقۋ جىلىنىڭ باسىندا 1 550 توسەك-ورىنعا ارنالعان 6 نىسان قايتا جاڭارتۋ جولىمەن ىسكە قوسىلاتىن بولادى. وسىلايشا، جوسپار 2 ەسە اسىپ تۇسەدى.
ءوز كەزەگىندە، قازاقستان-بريتان تەحنيكالىق ۋنيۆەرسيتەتى مەن الماتى تەحنولوگيالىق ۋنيۆەرسيتەتىنىڭ رەكتورلارى جاتاقحانا قۇرىلىسىنا قاتىستى كەز كەلگەن ماسەلەلەر بويىنشا جۇگىنۋگە بولاتىن جوبالىق كەڭسەنىڭ جەمىستى جۇمىسى ءۇشىن العىس ءبىلدىردى.
حالىقارالىق ءبىلىم بەرۋ كورپوراسياسىنىڭ 1 قاباتىندا ورنالاسقان وزەكتى كاسىپتەرگە قىسقا مەرزىمدى وقىتۋ ورتالىعى ەڭبەك نارىعىندا سۇرانىسقا يە سالالاردا ءبىلىم الۋعا عانا ەمەس، سونىمەن قاتار قارقىندى باعدارلامالار ارقىلى پراكتيكالىق داعدىلاردى دامىتۋعا مۇمكىندىك بەرەتىن بىرەگەي پلاتفورمانى ۇسىنادى. جوو - دارى تەوريالىق بازانى، كوللەدجدەر-زەرتحانالىق بازانى، ال ءبىلىم الۋشىنى تاعىلىمدامادان وتكىزەتىن مەنتورلار قالاداعى كومپانيالاردى ۇسىنادى. ناتيجەسىندە جاس بۋىن سەرتيفيكات پەن ماماندىق الادى. "مۇنداي ءتاسىل ءبىزدىڭ باسەكەلەستىك ارتىقشىلىقتارىمىزدى ارتتىرىپ قانا قويماي، جەكە جانە كاسىبي ءومىرىمىزدى بايىتادى"، - دەپ ەسەپتەيدى ارمان قىرىقبايەۆ.
بۇگىنگى تاڭدا ورتالىقتا 20 قىسقا مەرزىمدى كۋرس ىسكە قوسىلدى: گرافيكالىق ديزاين، SMM، موبيلوگرافيا، كونديتەرلىك كۋرستار، باريستا كۋرستارى، ماركەتينگ، ساتۋ، call-ورتالىق وپەراتورلارى، گيدتەر-ەكسكۋرسوۆودتار جانە باسقالارى ءجانن 4 مىڭعا جۋىق جاس وقىتىلدى.
كۋرستار تۋرالى اقپارات جانە تىركەۋ "Jasalmaty.kz "jobfair365" جۇمىسپەن قامتۋ پلاتفورماسى پورتالدا قولجەتىمدى. پلاتفورمانىڭ ەرەكشەلىگى-اقىسىز نەگىزدە جۇمىس تاۋىپ قانا قويماي، سونىمەن قاتار سەرتيفيكات الۋ ارقىلى قىسقا مەرزىمدى كۋرستاردان وتۋگە بولادى، بۇل جۇمىسقا ورنالاسۋ مەن وقۋ پروسەسىن ەداۋىر جەڭىلدەتەدى. قازىرگى ۋاقىتتا سايتقا 3،7 مىڭ بوس جۇمىس ورنى جانە 1،5 مىڭ جۇمىس بەرۋشى تىركەلدى. جالپى، 2023 جىلدىڭ باسىنان بەرى قالا اكىمدىگى 14 مىڭ جاستى جۇمىسقا ورنالاستىردى. بۇل شارالار NEET-جاستاردىڭ ۇلەسىن ءى توقسانداعى 8،3% - دان (53،8 مىڭ) ا. ج. II توقسانداعى 7،4% - عا (47،8 مىڭ) دەيىن قىسقارتۋعا مۇمكىندىك بەردى.
جۇمىس ساپارى الماتى تەحنولوگيالىق ۋنيۆەرسيتەتىنىڭ جاڭا جاتاقحاناسىنىڭ اشىلۋىمەن اياقتالدى. ۋنيۆەرسيتەت بالانسىندا 1،9 مىڭ توسەك - ورىنعا ارنالعان 4 جاتاقحانا بار. بۇگىن تاعى 400 ادامعا ارنالعان جاڭا جاتاقحانا ىسكە قوسىلدى. جاتاقحانانىڭ بارلىق ءۇي-جايلارى تۇرۋ جاعدايلارى بويىنشا ەڭ جوعارى تالاپتارعا جاۋاپ بەرەدى. ءبىلىم الۋشىلار ءۇشىن كومپيۋتەرلىك سىنىپتار، دەمالىس بولمەلەرى، Wi-Fi-عا شەكتەۋسىز قول جەتكىزۋ جانە كوۆوركينگ-ورتالىقتارمەن جابدىقتالعان. سونداي-اق، جاتاقحانادا زاماناۋي بەينەباقىلاۋ جانە ءورت قاۋىپسىزدىگى جۇيەلەرى ورناتىلعان.