مەگاپوليستە جاڭا كوميۋنيتي ورتالىقتارى اشىلادى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى جاستار ساياساتى باسقارماسى باسشىسىنىڭ مىندەتىن اتقارۋشى ازيز كاجدەنبەك مالىمدەدى، دەپ حابارلايدى aqshamnews.kz
ول جاستارمەن جۇمىس ىستەۋگە باعىتتالعان ينفراقۇرىلىمدى قۇرۋ تۋرالى ايتىپ ءوتتى.
الماتى قالاسىنىڭ جاستار ساياساتى باسقارماسى 2024 جىلى مەملەكەتتىك الەۋمەتتىك تاپسىرىس شەڭبەرىندە 46 جاستار جوباسىن ىسكە اسىرۋدا.
“NEET ساناتىنداعى جاستارىن قولداۋ ءۇشىن اۋىل جاستارىنىڭ قاتىسۋىمەن فۋتبول جانە ۆولەيبولدان “DÚISENBILIK SPORT-2024” جوباسى ىسكە اسىرىلدى”، — دەدى ازيز كاجدەنبەك.
2024 جىلى جوبا اياسىندا قالانىڭ 40 بازارىنان مىڭ جاس قامتىلدى.
سونداي-اق، “ALMA CUP” جوباسى اياسىندا الماتى قالاسىنىڭ جاستارى اراسىندا سپورتتىق ويىندار (فۋتبول، باسكەتبول، ۆولەيبول، كيبەرسپورت) وتكىزىلدى. ولارعا 6 مىڭ ادام قاتىستى.
الماتى قالاسى جاستارىنىڭ وقۋ بەلسەندىلىگىن ارتتىرۋ ءۇشىن “BookVibe” جوباسى ىسكە اسىرىلۋدا. بۋككروسسينگتەر، كىتاپ كورمەلەرى، تانىمال كىتاپتاردىڭ اۆتورلارىمەن ميتاپتار ۇيىمداستىرىلدى. بۇل شارالارمەن مىڭ جاس قامتىلدى.
وقۋ ورىندارى مەن الەۋمەتتىك جەلىلەردە جاستار اراسىندا ينتەرنەتكە تاۋەلدىلىك پەن قۇمار ويىنداردىڭ الدىن الۋ بويىنشا اقپاراتتىق جۇمىس جۇرگىزىلدى. زاڭسىز سايتتار مەن ونلاين-پورتالدار انىقتالدى، ولاردى پوليسيا دەپارتامەنتىمەن بىرلەسىپ بۇعاتتاۋ جۇمىستارى جۇرگىزىلۋدە. وندا 1،5 مىڭ ادام قامتىلدى.
جاس ۇرپاقتىڭ سىني ويلاۋ داعدىلارىن دامىتۋ ءۇشىن “جاس ساراپشىلار مەن پىكىرسايىسشىلار كلۋبى” جوباسى ىسكە اسىرىلۋدا.
“IQ-ALA jastary” زياتكەرلىك جوباسى اياسىندا 2024 جىلعى 3 مامىردا ءال-فارابي اتىنداعى قازاق ۇلتتىق ۋنيۆەرسيتەتىندە “Leader Cup” ستۋدەنتتىك ليگا - ءتۋرنيرى ۇيىمداستىرىلدى. تۋرنيرگە 20 جوو مەن 15 كوللەدج ستۋدەنتتەرى قاتىسىپ، ءار وقۋ ورنىنان 4 قاتىسۋشىنى ۇسىندى. جوباعا مىڭ ادام قاتىستى.
شىعارماشىل جانە تالانتتى جاستاردى قولداۋ ءۇشىن جىل سايىنعى “Jas Gala-2024” فەستيۆالى وتكىزىلدى. جوبانىڭ جۇلدە قورى 7،5 ملن تەڭگەنى قۇرادى. بيىل قاتىسۋعا وتىنىمدەر سانى ەكى ەسەگە ارتىپ، 3 مىڭ ادامدى قامتىدى. بايقاۋ 5 باعىت بويىنشا وتكىزىلدى. “Jas Gala” شىعارماشىلىق بايقاۋىنىڭ فينالى جانە سالتاناتتى ماراپاتتاۋ ءراسىمى “الاتاۋ” ءداستۇرلى ونەر تەاترىندا 700 كورەرمەننىڭ قاتىسۋىمەن ءوتتى.
سونىمەن قاتار، جوبا اياسىندا قىركۇيەك ايىنان باستاپ حالىقارالىق ستۋدەنتتەر كۇنىنە ارنالعان الماتى قالاسىنىڭ جوعارى وقۋ ورىندارىنىڭ ستۋدەنتتەرىنە ارنالعان “ۇزدىك ستۋدەنتتىك توپ” كونكۋرسى ۇيىمداستىرىلادى.
سونداي-اق، “جايدارمان” مەرەيتويلىق 25-ماۋسىمى باستالدى. 16 كوماندا قاتىسقان ¼ فينالدىق ويىندار سەرياسى ءوتتى. قامتۋ - 1،2 مىڭ ادام.
“2024 جىلدىڭ ءبىرىنشى جارتىجىلدىعىندا 900-دەن استام ءىس-شارا وتكىزىلدى. جىل سوڭىنا دەيىن 1000-نان استام ءىس-شارا وتكىزۋ جوسپارلانۋدا”، - دەدى ا. كاجدەنبەك.
الماتىدا جالپى سانى 50 مىڭنان اساتىن قالانىڭ 30 ءىرى ۇيىمىمەن ءوزارا ءىس-قيمىل جاسايتىن قالالىق ۆولونتەرلەر ءفرونت-وفيسى جۇمىس ىستەيدى.
“2024 جىلدىڭ قاڭتار ايىنان باستاپ الماتىلىق ۆولونتەرلەر 7 نەگىزگى باعىت بويىنشا 250-دەن استام ءىس-شارالار مەن اكسيالار وتكىزدى. كەيبىرەۋلەر اتا-اناسىنىڭ قامقورلىعىنسىز قالعان بالالاردى وقىتۋمەن اينالىسادى، ال باسقالارى جالعىزباستى زەينەتكەرلەرگە ارنالعان پانسيوناتتاردا شىعارماشىلىق كەشتەر ۇيىمداستىرادى. كوپتەگەن ۆولونتەرلەر جانۋارلارعا كومەكتەسىپ، قورشاعان ورتاعا قامقورلىق جاسايدى”، - دەدى ول.
“تازا قازاقستان” باستاماسى مەن “الماتى - ءبىزدىڭ ورتاق ءۇيىمىز” جوباسى اياسىندا ەرىكتىلەر قالانى تازارتۋ جانە جاستاردى ەكو-تاربيەلەۋ بويىنشا ەكولوگيالىق اكسيالارعا بەلسەندى قاتىسىپ، الماتىنى بارلىق تۇرعىندار ءۇشىن تازا ءارى جايلى ەتەدى.
قالادا قاتىسۋشىلار ءۇشىن موتيۆاسيا جانە الەۋمەتتىك ليفت رەتىندە قىزمەت ەتەتىن ۆولونتەرلەردىڭ ءوسۋىنىڭ گەيميفيكاسيالانعان جۇيەسى ەنگىزىلگەن.
المالى اۋدانىنىڭ كوميۋنيتي ورتالىعىندا ەل وڭىرلەرىندە سۋ تاسقىنىنان زارداپ شەككەندەرگە گۋمانيتارلىق كومەك جينالدى.
“592 توننادان استام گۋمانيتارلىق كومەك جينالدى. 300 توننا - ازىق-تۇلىك، 177 توننا - گيگيەنالىق قۇرالدار، 80 توننا - كيىم، قالعان 35 توننا-تۇرمىستىق زاتتار. بۇل جۇمىستارعا 150-دەن استام ەرىكتىلەر جۇمىلدىرىلدى”، - دەپ ناقتىلادى ا. كاجدەنبەك.