جاستار اراسىنداعى جۇمىسسىزدىق پەن ەكسترەميزم ماسەلەسى الماتىدا وتكەن حالىقارالىق فورۋمدا تالقىلاندى، دەپ حابارلايدى aqshamnews.kz 24.kz-كە سىلتەمە جاساپ.
قازاقستانداعى بۇۇ دامۋ باعدارلاماسى ۇيىمداستىرعان ءىس-شاراعا قازاقستان، وزبەكستان، قىرعىزستان، تۇرىكمەنستان مەن تاجىكستاننىڭ جاستار ۇيىمدارى وكىلدەرى مەن سالا ماماندارى قاتىستى. جاستاردى تەرىس ءدىني اعىمنان ساقتاۋ ءۇشىن سانالى تاربيە مەن ساپالى ءبىلىم بەرۋ ماڭىزدى.
«ول ءۇشىن ساۋاتتاندىرۋ ءىسىن بەلسەندى جۇرگىزىپ، جاستار ورتالىقتارىن دامىتۋ كەرەك»، – دەيدى ماماندار.
بۇل باعىتتا قازاقستاننىڭ تاجىريبەسى بار. مىسالى، «مانساپ كومپاسى» اتتى جاڭا پلاتفورما ارقىلى قولدانۋشىلار ماماندىق بويىنشا جۇمىس تاڭداي الادى.
اينۇر بايمىرزا، بۇۇ دب قازاقستانداعى مەملەكەتتىك باسقارۋ دەپارتامەنتىنىڭ ديرەكتورى:
- تالاپتى جاستارعا ءوز بويىنداعى قارىم-قابىلەتتى دامىتۋعا مۇمكىندىك كوپ. ستارتاپ جوبالاردى ىسكە اسىرۋعا، كاسىپكەرلىكپەن اينالىسۋعا، كرەاتيۆتى يندۋسترياعا دەن قويۋعا بولادى. وسى فورۋمدا قوعامداعى وزەكتى ماسەلەلەردى تالقىلاپ قانا قويماي، تاجىريبە الماسىپ، ۇسىنىستاردى قاراستىرامىز.