الماتىدا جاسوسپىرىمگە تەمەكى ساتۋ دەرەگى انىقتالدى

الماتى پوليسەيلەرى بالالارعا ساق بولۋعا شاقىرادى.

الماتىنىڭ تۇركسىب اۋدانىندا جاسوسپىرىمگە تەمەكى ساتۋ دەرەگى تىركەلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

الماتىدا بالالار قۇقىقتارىن بۇزۋ دەرەكتەرىن انىقتاۋ، كامەلەتكە تولماعاندار اراسىندا قاداعالاۋسىز جانە پاناسىز قالۋدىڭ الدىن الۋ ماقساتىندا مۇددەلى قىزمەتتەر مەن ۆەدومستۆولاردى تارتا وتىرىپ، «ءجاسوسپىرىم جانە كوشە» جەدەل-الدىن الۋ ءىس-شاراسى وتكىزىلىپ جاتىر.

«ءىس-شارا اياسىندا كامەلەتكە تولماعاندارعا الكوگولدى جانە تەمەكى ونىمدەرىن ساتۋ دەرەكتەرىن انىقتاۋعا جانە جولىن كەسۋگە ەرەكشە ءمان بەرەمىز. الماتى قالاسى تۇركسىب اۋدانىنداعى وسيپەنكو كوشەسىندەگى دۇكەندەردىڭ بىرىندە جاسوسپىرىمگە تەمەكى ساتۋ دەرەگى انىقتالدى. ساتۋشىعا قاتىستى ق ر اقبتك-نىڭ 423-بابى (ەسىرتكى، پسيحوتروپتىق زاتتاردى جانە سول تەكتەستەردى، پرەكۋرسورلاردى ناسيحاتتاۋ نەمەسە زاڭسىز جارنامالاۋ) بويىنشا حاتتاما تولتىرىلدى. ايىپپۇل مولشەرى – 15 اەك»، – دەدى الماتى قالاسى پد جپقب يۋۆەنالدى پوليسيا ءبولىمىنىڭ باستىعى جاننا شونجانوۆا.

الماتى پوليسياسى، قالا تۇرعىندارىن بالالارىن باقىلاۋعا الىپ، ولاردىڭ تاربيەسىنە دەگەن جاۋاپكەرشىلىكتى ۇمىتپاۋعا شاقىردى. باقىلاۋدىڭ بولماۋى جاسوسپىرىمدەردىڭ قۇقىق بۇزۋشىلىق جاساۋىنا نەمەسە ولارعا قارسى زاڭسىز ارەكەتتەرگە الىپ كەلۋىنە سەبەپ بولۋى مۇمكىن.