بۇگىن قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليالى بازاسىندا مەملەكەتتىك قىزمەتكە جاس تالانتتاردى تارتۋعا باعىتتالعان «جاس قىران» مەملەكەتتىك قىزمەت مەكتەبى» جوباسى اياسىندا 5 كۇندىك وقىتۋ باستالدى، دەپ حابارلايدى اlmaty-akshamy.kz.
ءىس-شارانىڭ رەسمي اشىلۋىنا ق ر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى باسشىسىنىڭ ورىنباسارى سەيدالييەۆ نۇرسۇلتان، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليالىنىڭ ديرەكتورى ايگەرىم ابيلوۆا، «تۇران» ۋنيۆەرسيتەتى ەكونوميكا فاكۋلتەتىنىڭ دەكانى تامارا مۋحامەدياروۆا، الماتى تەحنولوگيالىق ۋنيۆەرسيتەتى «ەكونوميكا جانە بيزنەس» فاكۋلتەتىنىڭ دەكانى ديانا ابدرايموۆا، نارحوز ۋنيۆەرسيتەتى «مەملەكەتتىك باسقارۋ» ءبىلىم بەرۋ باعدارلاماسىنىڭ جەتەكشىسى ارداقتىگۇل جانبىربايەۆا قاتىسىپ، قۇتتىقتاۋ ءسوز سويلەدى.
2023 جىلعى «جاس قىران» مەملەكەتتىك قىزمەت مەكتەبىنىڭ تۇلەگى، مەملەكەتتىك كىزمەت ىستەر اگەنتىگىنىڭ الماتى قالاسى بويىنشا دەپارتامەنتىنىڭ مەملەكەتتىك كورسەتىلەتىن قىزمەتتەر باسقارماسىنىڭ باس مامانى تورەقان گۇلىم ءوزىنىڭ مەملەكەتتىك قىزمەتكە كىرۋدەگى تاجىربيەسىمەن ءبولىسىپ، جاس بۋىن وكىلدەرىن مەملەكەتتىك قىزمەتكە شاقىردى.
وقىتۋ اياسىندا جاس تالانتتار جوبالىق باسقارۋدىڭ نەگىزدەرى جانە جوبانى ازىرلەۋ، ونى قورعاۋ، ءتيىمدى كوممۋنيكاسيالار، پراكتيكالىق اناليتيكا، ستراتەگيالىق مەنەدجمەنت جانە كوشباسشىلىق جانە ت.ب. داعدىلارىن مەڭگەرىپ، مەملەكەتتىك باسقارۋ جۇيەسى، ادەپ كودەكسى بويىنشا پراكتيكالىق ساباقتار ءوتىپ، مەملەكەتتىك قىزمەت سالاسىنداعى كەيستەردى تالدايدى دەپ جوسپارلانۋدا.
«الماتى قالاسى بويىنشا فيليالىنىڭ ۇيىمداستىرۋىمەن وتكەن «جاس قىران» مەملەكەتتىك قىزمەتشىلەر مەكتەبىنىڭ تۇلەگىمىن. جوبا اياسىندا ارنايى وقىتۋدان ءوتىپ، مەملەكەتتىك قىزمەت تۋرالى مول اقپارات جيناپ، مەملەكەتتىك قىزمەتكە دەگەن قىزىعۋشىلىعىم ارتا ءتۇستى. تاجىربيەلىك تاعىلىمدامامدى مەملەكەتتىك قىزمەت ىستەر اگەنتتىگىنىڭ الماتى قالاسى بويىنشا دەپارتامەنتىندە ءوتتىم. مەملەكەتتىك قىزمەتكە كىرۋ ءۇشىن مەملەكەتتىك اكىمشىلىك لاۋازىمىنا تەست تاپسىردىم، قولىما تەست ناتيجەسىن العان سوڭ، دەپارتامەنتتە بوس مەملەكەتتىك لاۋازىمعا جاريالانعان كونكۋرسقا قاتىسىپ، قورىتىندىسىندا مەملەكەتتىك قىزمەتكە كەلدىم. قازىرگى تاڭدا مەملەكەتتىك كورسەتىلەتىن قىزمەتتەر باسقارماسىنىڭ باس مامانى بولىپ قىزمەت اتقارامىن. بولاشاق مەملەكەتتىك قىزمەتكەرلەرگە ايتارىم: بەرىلگەن مۇمكىندىكتى پايدالانىپ، قاجەتتى ءبىلىم مەن داعدىنى مەڭگەرىپ، ەلىمىزدىڭ دامۋى جولىندا بىرلەسە قىزمەت ەتۋگە شاقىرامىن»، – دەيدى مەكتەپتىڭ 2023 جىلعى تۇلەگى گۇلىم تورەحان.
جوبا كەلەشەگى زور ءارى تالانتتى جاستار اراسىنان بولاشاق كانديداتتاردى مەملەكەتتىك قىزمەتكە تارتۋ ماقساتىندا قولعا الىندى. مەكتەپتىڭ نەگىزگى قىزمەتى مەملەكەتتىك قىزمەتكە كىرۋ جانە ونى وتكەرۋ ءۇشىن قاجەتتى ءبىلىم مەن جەكە قاسيەتتەردى كەڭەيتۋگە باعىتتالعان.
سونداي-اق ءبىلىم بەرۋ باعىتتارى بويىنشا تاجىريبەلىك داعدىلار مەن قابىلەتتەرگە يە بولۋ ماقساتىندا مەكتەپ تۇلەكتەرىنىڭ مەملەكەتتىك مەكەمەلەردە جانە قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ دەپارتامەنتىندە تاجىريبەدەن ءوتۋى قاراستىرىلعان.
وسى جىلى مەكتەپكە «نارحوز»، «تۇران»، ءال-فارابي اتىنداعى قازاق ۇلتتىق ۋنيۆەرسيتەتى، الماتى تەحنولوگيالىق ۋنيۆەرسيتەتتەرىنىڭ «مەملەكەتتىك باسقارۋ» جانە «قۇقىقتانۋ» ماماندىقتارىندا وقيتىن سوڭعى كۋرستىڭ 28 ستۋدەنتى قابىلداندى.
وقىتۋ كۋرستارى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى فيليالىنىڭ پروفەسسور-وقىتۋشىلار قۇرامىن، پراكتيك ماماندار – مەملەكەتتىك قىزمەتشىلەردى تارتۋ ارقىلى جۇرگىزىلەدى.
وقىتۋ 2024 جىلدىڭ 15-19 قاڭتارى ارالىعىندا وتەدى. سونداي اق «تۇران» ۋنيۆەرسيتەتىنىڭ بازاسىندا 1 كۇندىك كوشپەلى ساباق وتكىزىلمەك.
