«Nur Otan پارتياسىنىڭ الماتى قالالىق فيليالىندا «جاس وركەن» رەسپۋبليكالىق بالالار سىيلىعىنىڭ جەڭىمپازدارى ماراپاتتالدى. بايقاۋعا قازاقستاننىڭ بارلىق وڭىرلەرىنەن 400-دەن اسا دارىندى بالالار قاتىسىپ، 30-عا جۋىعى جۇلدەلى ورىن يەگەرى اتاندى. بەس نوميناسيا بويىنشا الماتىلىق التى ورەن جەڭىسكە جەتتى دەپ حابارلايدى Almaty-akshamy.kz
ماراپاتتاۋعا قازاقستاننىڭ ەڭبەك ەرى، ق ر ەڭبەك سىڭىرگەن ءمۇعالىمى اياگۇل ميرازوۆا، «Nur Otan» پارتياسى الماتى قالالىق فيليالى ءتوراعاسىنىڭ ورىنباسارى قايرات بيسەمبايەۆ جانە الماتى قالاسى ءماسليحاتىنىڭ دەپۋتاتى ەرالى ساۋرانبايەۆ قاتىستى.
بايقاۋ قورىتىندىسى بويىنشا الماتى قالاسى بويىنشا «جاس تولاعاي» نوميناسياسىندا ەلناز قالياحمەت، «جاس ەكولوگ» نوميناسياسىندا يننوكەنتيي ترەسكۋنوۆ، ال «جاس سۋرەتشى» نوميناسياسىندا انگيليكي پوپوندوپۋلو جەڭىمپاز اتاندى. «جاس زەرتتەۋشى» نوميناسياسىنىڭ لاۋرەاتى انەل توكينا، «كوركەمسوز شەبەرى» نوميناسياسىنىڭ لاۋرەاتى توعجان اباي، «جاس ەكولوگ» نوميناسياسىندا ماعجان ەرعانات لاۋرەاتى اتاندى.
«شىنىمدى ايتسام، مەن جەڭىمپازدار تىزىمىندە بولامىن دەپ كۇتكەن جوقپىن. بالا كەزىمنەن ماعان وقۋعا دەگەن سۇيىسپەنشىلىك سەزىمدى ۇيالاتقانى ءۇشىن وتباسىما شەكسىز ريزامىن. ۇيىمداستىرۋشىلار مەن پارتياعا قولداۋ كورسەتكەندەرىڭىز ءۇشىن راقمەت. مەن مىندەتتى تۇردە كەلەسى جىلى دا بايقاۋعا قاتىسامىن»، - دەدى كوركەمسوز شەبەرى توعجان اباي.
سونىمەن قاتار، رەسپۋبليكالىق بايقاۋدىڭ جەڭىمپازدارى مەن جۇلدەگەرلەرىن الماتى قالالىق ءماسليحاتىنداعى «Nur Otan» فراكسياسىنىڭ مۇشەلەرى ەرالى ساۋرانبايەۆ پەن نۇرىمبەك تاۋ قولدادى. دەپۋتاتتار الماتىلىق وقۋشىلارعا پلانشەتتەر مەن ۇيالى تەلەفونداردى تابىس ەتتى.
«دارىندى جانە زەرەك بالالار – تاۋەلسىز ەلىمىزدىڭ بولاشاعى. مەن بايقاۋدىڭ بارلىق جەڭىمپازدارى مەن قاتىسۋشىلارىن شىن جۇرەكتەن قۇتتىقتايمىن. العىر بالالارىمىزدىڭ قاتارىنىڭ باسىم بولىگى ءبىزدىڭ مەگاپوليستىڭ وقۋشىلارى بولعاندىعى قۋانتادى. ءبىز تالانتتى ءارى كرەاتيۆتى بالالارعا ءاردايىم قولداۋ كورسەتۋگە دايىنبىز»، - دەپ اتاپ ءوتتى اياگۇل تورە قىزى.
ەستەرىڭىزگە سالساق، «جاس وركەن» رەسپۋبليكالىق سىيلىعى بالالار مەن بالالار ۇيىمدارىنا بەرىلەدى. سىيلىقتىڭ نەگىزگى ماقساتى – بالالار شىعارماشىلىعىن دامىتۋعا باعىتتالعان دارىندى بالالار مەن الەۋمەتتىك باستامالاردى قولداۋ.