الماتى تۇرعىنىنان پسيحوتروپتىق زات سالىنعان 20 بۋما تاركىلەندى، دەپ حابارلايدى Almaty-akshamy.kz Inform.kz-كە سىلتەمە جاساپ.
كۇدىكتىنى پوليسيا قىزمەتكەرلەرى الماتى قالاسى مەدەۋ اۋدانىنىڭ جەكە سەكتورىندا ۇستادى.
«بۇل – 19 جاستاعى ك. ەسىمدى ازامات. تەرگەۋ-جەدەل توبى جەكە ءتىنتۋ كەزىندە شالبارىنىڭ قالتاسىنان اشىق-جاسىل ءتۇستى 20 ورام تاپتى. زاتتاي ايعاقتار ساراپتاماعا جىبەرىلدى»، - دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
كۇدىكتىنىڭ ايتۋىنشا، ول از ۋاقىتتان بەرى ەسىرتكى قويۋشى رەتىندە جۇمىس ىستەيدى. تاپسىرىستى جانە قويىپ كەتەتىن ورىنداردىڭ مەكەنجايىن ينتەرنەت قوسىمشاسى ارقىلى الادى، ال، «اتقارعان جۇمىسى» ءۇشىن اقشالاي سىياقىنى كريپتوۆاليۋتامەن الىپ وتىرعان.
«قىلمىستىق ءىس سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 296-بابى 2-بولىگىمەن تىركەلدى»،- دەيدى ەرلان الماعامبەتوۆ.