ىزدەۋ call-ورتالىعى قۇرىلدى
الماتى قالالىق پوليسيا دەپارتامەنتى تارتىپسىزدىكتەر كەزىندە تۇتقىندالعانداردى ىزدەستىرۋ ءۇشىن ارنايى سەنىم تەلەفونىن ىسكە قوستى، دەپ حابارلايدى Almaty-akshamy.kz.
«ءسىز سall-ورتالىققا حابارلاسىپ تەرگەۋ يزولياتورلارىنداعى ادامدار مەن باسقا دا ماسەلەلەر بويىنشا اقپارات الا الاسىز. ادۆوكاتتار دا وسى call-ورتالىقتارعا جۇگىنە الادى. ازاماتتاردىڭ كونستيتۋسيالىق قۇقىقتارىن مۇلتىكسىز ساقتاۋ بويىنشا بارلىق قاجەتتى شارا قابىلدانىپ جاتقانىنا سەندىرگىم كەلەدى»، - دەدى الماتى قالالىق پوليسيا دەپارتامەنتى باستىعىنىڭ ورىنباسارى رۋستام ءابدىراحمانوۆ.
مىنا تەلەفون ءنومىرى بويىنشا +7 (727) 290-19-01 بايلانىس ورتالىعىنا حابارلاسۋعا بولادى.
بۇعان دەيىن باس پروكۋراتۋرا الماتىدا وق تيگەن 29 ادامدى پوليسيا تەرگەۋ يزولياتورىنا قاماپ قويعانى تۋرالى ايتقان بولاتىن.