قورعانىس ءمينيسترىنىڭ بۇيرىعىمەن قۇرلىق اسكەرلەرى اسكەري ينستيتۋتىنىڭ اسكەري قىزمەتشىسى، 3-سىنىپتى سەرجانت جاندوس بارلىبايەۆ ەرلىگى ءۇشىن "ەل قورعانى" مەدالىمەن ماراپاتتالدى، دەپ جازادى Almaty-akshamy.kz Inbusiness.kz-كە سىلتەمە جاساپ.
ماراپاتتى قورعانىس ۆەدومستۆوسى باسشىسىنىڭ اتىنان دەسانتتىق-شابۋىلداۋ اسكەرلەرىنىڭ قولباسشىسى، گەنەرال-مايور الماز جۇماكەيەۆ تابىستادى.
15 جەلتوقسان الماتى قالاسىندا كراسنوگورسكايا كوشەسى، 4/1 مەكەنجايىندا ورنالاسقان جاتاقحانانىڭ بىرىنەن ءورت شىققان بولاتىن. اسكەري قىزمەتشى ول تۋرالى تانىستارىنان ەستىپ، ويلانباستان وقيعا بولعان جەرگە بارعان. جاندوس بارلىبايەۆ ورتكە ورانعان 2ء-شى قاباتقا تەرەزە تورلارىمەن كوتەرىلەدى. ول جەردەن 12-13 جاستاعى بالانى، ءتورت ايلىق نارەستەنى الىپ شىعىپ، سونداي-اق اناسىنىڭ جانىپ جاتقان عيماراتتان شىعۋىنا كومەكتەسكەن.