قۇتقارۋشىلار ورتەنگەن پاتەردەن 25 ليترلىك 1 گاز باللونىن الىپ شىقتى
اۋەزوۆ اۋدانىنداعى ءتورت قاباتتى تۇرعىن ۇيدەن ءورت شىقتى، دەپ حابارلايدى Almaty-akshamy.kz.
قالالىق توتەنشە جاعدايلار دەپارتامەنتىنىڭ مالىمەتىنشە، 24 قاڭتار كۇنى ساعات 18:21- دە اۋەزوۆ اۋدانى 7 ىقشام اۋدانىندا ورنالاسقان № 4 ءۇيدىڭ ەكىنشى قاباتىنداعى پاتەردەن ءورت شىقتى. قىزىل جالىن 20 شارشى مەتر اۋماقتى شارپىدى.
«باسپالداق الاڭىندا ۋلى ءتۇتىن بولعاندىقتان، تۇرعىندار شىعا الماي، ولاردىڭ ءومىرى مەن دەنساۋلىعىنا ءقاۋىپ ءتوندى، ءورتتىڭ ءۇشىنشى قابات پەن شاتىرعا تارالۋ ءقاۋپىن تۋعىزدى. تجد كۇشتەرىمەن ءورت ءسوندىرۋ بارىسىندا 10 ادام، ونىڭ ىشىندە 3 بالا قۇتقارىلدى، - دەپ حابارلادى ۆەدومستۆادان.
سونىمەن قاتار، قۇتقارۋشىلار جانىپ جاتقان پاتەردەن 25 ليترلىك 1 گاز باللونىن الىپ شىقتى.