الماتى قالاسى اكىمدىگى، الماتى قالاسى مادەنيەت باسقارماسى قولداۋىمەن جانە “الاتاۋ” ءداستۇرلى ونەر تەاترىنىڭ ۇيىمداستىرۋىمەن الماتى قالاسىنىڭ تۋعان كۇنىنە وراي جانىبەك كارمەنوۆ اتىنداعى ءىى رەسپۋبليكالىق ءداستۇرلى انشىلەر بايقاۋى وتەدى، دەپ حابارلايدى Almaty-akshamy.kz.
بايقاۋدىڭ ماقساتى - ق ر ەڭبەك سىڭىرگەن ءارتيسى، ءداستۇرلى ءانشى ج.كارمەنوۆتىڭ شىعارماشىلىعىن كەڭىنەن ناسيحاتتاپ، اسىل قازىنامىز ءداستۇرلى ءان ونەرىنىڭ ۇزدىك ونەرلەرىن حالىققا كەڭىنەن تانىتىپ، كورەرمەن ساعىنىشىن باسۋ، الماتى قالاسىندا جىل سايىن تۇراقتى تۇردە وتەتىن رەسپۋبليكالىق ءداستۇرلى انشىلەر كونكۋرسىن ۇيىمداستىرۋدى قالىپتاستىرۋ، ءان ونەرىندەگى تۇلعالارىمىزدى جانە ولاردىڭ شىعارماشىلىعىن ناسيحاتتاۋ، سونداي-اق حالىققا جاڭا ەسىمدەردى، دارىنداردى تانىستىرۋ.
بايقاۋ 14 قىركۇيەك كۇنى، ساعات 10.00-دە باستالادى. كىرۋ - تەگىن.
