الماتىدا مەگاپوليستىڭ اگلومەراسيامەن كولىك بايلانىسىن ارتتىرۋ اياسىندا قالا ماڭىنداعى قوعامدىق كولىك مارشرۋتتارى اشىلىپ جاتىر، دەپ حابارلايدى aqshamnews.kz
وسىلايشا، 28 قازاننان باستاپ №237، №257 جانە №258 مارشرۋتى ىسكە قوسىلدى، ال 1 قاراشادان باستاپ №239 مارشرۋتى ىسكە قوسىلادى دەپ جوسپارلانىپ وتىر.
- №237 «بارلىق بازارى – قاراتوبە اۋىلى» باعىتىنداعى مارشرۋتتا ۇلكەن سىيىمدىلىقتاعى 5 اۆتوبۋس قىزمەت كورسەتەدى. مارشرۋتتىڭ جۇمىس باستالۋ ۋاقىتى – 5:30، اياقتالۋ ۋاقىتى – 23:05. تاسىمالداۋشى – «قاسكەلەڭ اۆتوبۋس پاركى» ج ش س.
- №257 «№7 قالالىق اۋرۋحانا – ەڭبەكشى اۋىلى» باعىتىنداعى مارشرۋتتا دا ۇلكەن سىيىمدىلىقتاعى 5 اۆتوبۋس قىزمەت كورسەتەدى. مارشرۋتتىڭ جۇمىس باستالۋ ۋاقىتى – 5:30، اياقتالۋ ۋاقىتى – 23:01. تاسىمالداۋشى – «قاسكەلەڭ اۆتوبۋس پاركى» ج ش س.
- №258 «جەتىسۋ بازارى – وستەمىر اۋىلى» باعىتىنداعى مارشرۋتتا 2 اۆتوبۋس قىزمەت كورسەتەدى. مارشرۋتتىڭ جۇمىس باستالۋ ۋاقىتى – 5:40، اياقتالۋ ۋاقىتى – 22:01. تاسىمالداۋشى – «سامات-ترانس» ج ش س.
- №239 «ب. مومىش ۇلى مەترو بەكەتى – دولان اۋىلى» باعىتىنداعى مارشرۋتتا 18 اۆتوبۋس قىزمەت كورسەتەدى. مارشرۋتتىڭ جۇمىس باستالۋ ۋاقىتى – 5:30، اياقتالۋ ۋاقىتى – 23:01. تاسىمالداۋشى – «Neo City Trans» ج ش س.
اۆتوموبيل كولىگىمەن جولاۋشىلار مەن باگاجدى تاسىمالداۋ ەرەجەسىنە سايكەس، بۇل مارشرۋتتار كونكۋرستار وتكىزىلگەنگە دەيىن تاسىمالداۋشىلارعا بەرىلدى جانە تەستىلىك رەجيمدە جۇمىس ىستەيتىن بولادى. سونىڭ ناتيجەسىندە جولاۋشىلار لەگى مەن حالىقتىڭ قاجەتتىلىگى ەسكەرىلىپ، قوزعالىس سحەمالارىنا وزگەرىستەر ەنگىزىلەدى.
ەستەرىڭىزگە سالا كەتەيىك، بىلتىر شاھار باسشىسى ەربولات دوسايەۆتىڭ تاپسىرماسىمەن اكىمدىك 600 اۆتوبۋس پەن 100 تروللەيبۋس ساتىپ الىپ، 22 جاڭا مارشرۋت، ونىڭ ىشىندە 10 قالا ماڭىنداعى باعىت ۇيىمداستىرىپ، 50-گە جۋىق ەلدى مەكەندى قامتىدى. بيىل تاعى 600 اۆتوبۋس، 112 تروللەيبۋس جانە 100 ەلەكترواۆتوبۋس ساتىپ الۋ جوسپارلانىپ وتىر.