«ونەركاسىپتىك يپوتەكا» 2023 جىلدان باستاپ ەنگىزىلەدى دەپ جوسپارلانۋدا.
جاڭا نەسيەلىك ءونىم «الماتى قالاسىن 2025 جىلعا دەيىن دامىتۋ باعدارلاماسىن جانە 2030 جىلعا دەيىنگى ورتا مەرزىمدى پەرسپەكتيۆالاردى» باعدارلاماسىن جۇزەگە اسىرۋ اياسىندا ىسكە قوسىلادى، دەپ حابارلايدى Almaty-akshamy.kz Inbusiness.kz سىلتەمە جاساپ.
جەڭىلدەتىلگەن يپوتەكانى شاعىن يندۋستريالىق پارك سالۋعا نيەت بىلدىرگەن كومپانيالار دا، ءوندىرىس الاڭدارىن ساتىپ العىسى كەلەتىن كاسىپكەرلەر پايدالانا الادى.
جىلجىمايتىن مۇلىكتى يندۋستريالدى پاركتەردى ساتىپ الۋ كەزىندە كەپىلدىك رەتىندە پايدالانۋعا بولادى. بۇل كاسىپكەرلەردىڭ جۇكتەمەسىن ايتارلىقتاي ازايتادى.
قازىرگى ۋاقىتتا الماتى قالاسىنىڭ يندۋستريالدى ايماعىندا جانە توقتاپ تۇرعان، ءتيىمسىز وندىرىستىك بازالار اۋماعىندا شاعىن يندۋستريالىق پاركتەردى دامىتۋ بەلسەندى تۇردە جۇزەگە اسىرىلۋدا. مۇنداي ۋچاسكەلەر بارلىق قاجەتتى تەحنيكالىق شارتتارمەن جانە كوممۋنيكاسيالارمەن قامتاماسىز ەتىلگەن. شاعىن يندۋستريالدى پاركتەردىڭ ارتىقشىلىقتارىنىڭ قاتارىندا ءۇي-جايلاردى كەيىننەن ساتىپ الۋمەن تومەندەتىلگەن مولشەرلەمە بويىنشا ۇزاق مەرزىمدى جالعا الۋ مۇمكىندىگى بار.