ەربولات دوسايەۆ - الماتى اكىمدىگى مەتروپوليتەندى دامىتۋ ءۇشىن حالىقارالىق قارجى ينستيتۋتتارىمەن كەلىسسوزدەر جۇرگىزۋدە
الماتىداعى وكق بريفينگى بارىسىندا قالا اكىمى ەربولات دوسايەۆ جۋرناليستەردىڭ مەترو جەلىلەرىن قارجىلاندىرۋ جانە سالۋ ءۇشىن قىتايلىق كومپانيالاردى تارتۋ مۇمكىندىگى تۋرالى سۇراقتارىنا جاۋاپ بەردى.
«قالانىڭ كولىك قاڭقاسىن قۇرۋ جانە سونىڭ ارقاسىندا ەكولوگيالىق جاعدايدى جاقسارتۋ ءبىز ءۇشىن اسا ماڭىزدى باسىمدىق بولىپ تابىلادى. كولىك قاڭقاسىنىڭ نەگىزىندە مەترو، لرت جانە برت سياقتى جوعارى جىلدامدىقتى قوعامدىق كولىكتى دامىتۋ جاتىر. ۇكىمەتپەن بىرلەسىپ، ءبىز باتىس باعىتتا - «قالقامان» ستانسياسىنان «بارلىق» بازارىنا دەيىن 5،3 كم جانە شىعىس باعىتتا - «جىبەك جولى» ستانسياسىنان الماتى اۋەجايىنا دەيىن 14 كم جاڭا مەترو جەلىلەرىن سالۋ ءۇشىن مەملەكەتتىك كەپىلدىكپەن قاراجات الۋ مۇمكىندىگىن پىسىقتاۋدامىز»، - دەپ حابارلادى ەربولات دوسايەۆ.
مەگاپوليس اكىمى بۇگىنگى تاڭدا مەملەكەتتىك كەپىلدىكتەر الۋ ءۇشىن قۇقىقتىق نەگىز دايىندالىپ جاتقانىن اتاپ ءوتتى. ماسەلەن، جاڭا بيۋدجەت كودەكسىندە قارىزدى قارجىلاندىرۋ جانە ونى رەسپۋبليكالىق بيۋدجەت قاراجاتى ەسەبىنەن وتەۋ كوزدەلگەن. بۇل تۇزەتۋلەر پارلامەنت سەناتىندا.
«ءبىز ءقازىر ءتۇرلى حالىقارالىق قارجى ينستيتۋتتارىمەن ەڭ ءتيىمدى شارتتاردى الۋ ءۇشىن كەلىسسوزدەر جۇرگىزىپ جاتىرمىز، مۇمكىن بۇل ۇيىمداردىڭ كونسورسيۋمى بولار. وسىدان كەيىن كونكۋرستىق شارتتاردا مەردىگەر تاڭدالادى. زاماناۋي تەحنولوگيالار تەزىرەك قۇرۋعا مۇمكىندىك بەرەدى، سوندىقتان ءبىز نورماتيۆتىك مەرزىمدەردى ساقتاي الاتىن سەرىكتەستەردى تاڭدايمىز. ءبىز قۇرىلىستى ەكى جاقتا قاتار باستاۋدى جوسپارلاپ وتىرمىز. مىسالى، «سارىارقا» جانە «باۋىرجان مومىش ۇلى» مەترو ستانسيالارىنىڭ قۇرىلىسى جوسپارلانعان 3،5 جىلدان 7 جىلعا دەيىن 2 ەسەگە سوزىلدى. «قالقامان» ستانسياسى بويىنشا 1،9 كم مەترو جەلىسىنىڭ قۇرىلىسى 2020 جىلدان باستاپ 4 جىل بويى جۇرگىزىلۋدە. ونىڭ اياقتالۋ مەرزىمى 2026 جىلى بولادى دەپ كۇتىلۋدە»، - دەدى ول.