الماتىنىڭ بارلىق اۋماعىندا جاڭا زاماناۋي مەكتەپ ستاديوندارى مەن ويىن الاڭدارى پايدا بولادى. قازىرگى ۋاقىتتا 40-تان استام قالالىق مەكتەپ الاڭدارى قايتا جاڭارتىلۋدا. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە قالالىق ءبىلىم باسقارماسىنىڭ باسشىسى ءلاززات جىلقىبايەۆا ايتتى، دەپ حابارلايدى almaty-akshamy.kz
ءلاززات جىلقىبايەۆانىڭ ايتۋىنشا، قازىرگى تاڭدا سپورتپەن شۇعىلدانۋ، سالاۋاتتى ءومىر سالتى باسقارما جۇمىسىنىڭ نەگىزگى باعىتتارىنىڭ ءبىرى بولىپ تابىلادى.
«ءبىز جوعارى دەڭگەيدەگى سپورتتىق باعىتتاعى ءقاۋىپسىز الاڭدار جاساعىمىز كەلەدى»، - دەدى ءبىلىم باسقارماسىنىڭ باسشىسى.
ءلاززات جىلقىبايەۆا الماتى قالاسى ءبىلىم باسقارماسى مەملەكەتتىك-جەكەمەنشىك ارىپتەستىك جوباسى اياسىندا قازىرگى ۋاقىتتا №10، 42، 63، 93، 94، 104، 128، 173، 181، 189 مەكتەپتەردىڭ 8 سپورت الاڭىن جانە كوپ سالالى كوللەدجدى جاڭعىرتۋدا ەكەنىن باسا ايتتى.
«ينۆەستيسيا كولەمى 400 ميلليون تەڭگەدەن اسادى. بۇعان دەيىن وسى جوبالار اياسىندا №40 جانە 95 مەكتەپتەردىڭ اۋماعىندا سپورت الاڭدارى جاڭارتىلدى»، - دەدى ءبىلىم باسقارماسىنىڭ باسشىسى.
ءلاززات جىلقىبايەۆانىڭ ايتۋىنشا، جاڭا سپورت الاڭدارى مەكتەپ وقۋشىلارىن قىزىقتىراتىن ورىنعا اينالادى. سوندىقتان جەرگىلىكتى بيۋدجەت ەسەبىنەن 2021 جىلى 33 مەكتەپتىڭ - №151، 185، 179، 169، 184، 149، 82، 180، 182، 133، 130، 16، 67، 144، 34، 90، 38، 60، 69، 102، 66، 29، 28، 98، 186، 192، 187، 32، 71، 89، 106، 83 جانە №1 بالالار ۇيىندەگى سپورت الاڭدارى جاڭعىرتىلۋدا. بۇل شارالارعا جەرگىلىكتى بيۋدجەتتەن 1 ملرد استام تەڭگە قاراستىرىلعان.
بيىل الماتى قالاسى اكىمدىگىنىڭ مەملەكەتتىك تاپسىرىسىمەن قالا مەكتەپتەرىندە وقۋشىلارعا ارنالعان سپورت سەكسيالارى ۇيىمداستىرىلادى. ايتا كەتەرلىگى، جاتتىقتىرۋ جۇمىسىمەن اينالىساتىن دەنە شىنىقتىرۋ مۇعالىمدەرىنىڭ ايلىقتارىنا ۇستەماقى قوسىلادى.