جاڭا كامەرا جول ەرەجەسىن بۇزعانداردى تىركەيدى
الماتىدا جاڭا كامەرالار ورناتىلدى. بۇعان دەيىن اتالمىش كامەرالار شىمكەنتتە ورناتىلعان بولاتىن، دەپ حابارلايدى Almaty-akshamy.kz
«بۇل - كولەمى شاعىن، وپتيكاسى جاقسىراق، تۇنىقتىعى جوعارى جاڭا ۇلگىدەگى كامەرا. «سەرگەك» شىققالى بىرنەشە جىل بولدى، سودان بەرى كامەرالار ۇزدىكسىز دامىپ جاتىر، ءبىز دە ونىمدەرىمىزدى زامانعا ساي جاڭارتىپ وتىرامىز. بۇل كامەرالاردىڭ وپتيكالىق جۇيەسى جاقسىراق، قامتۋ ايماعى مەن سۋرەت ساپاسى تۇرعىسىنان تەحنيكالىق مۇمكىندىگى جوعارى»، – دەدى كومپانيا وكىلدەرى.
«سەرگەكتى» جاساۋشىلاردىڭ ايتۋىنشا، بۇرىنعى كامەرالار بەكىتىلگەن ارالىقتى باقىلايتىن وبەكتيۆپەن جابدىقتالعان. ال جاڭا كامەرا – ۆاريوفوكالدى، ياعني فوكۋس ۇزىندىعىن قولمەن نەمەسە قاشىقتان رەتتەۋگە بولادى. ۆاريوفوكالدى وبەكتيۆ شولۋ ايماعىن دالىرەك انىقتاۋعا مۇمكىندىك بەرەدى، سونىڭ ارقاسىندا ولشەمدى ساپالى جاساۋعا جانە مەملەكەتتىك ءنومىردى انىعىراق سۋرەتكە تۇسىرۋگە بولادى.
جاڭا كامەرا دا «دوڭگەلەك» ارىپتەسى سەكىلدى جول ەرەجەسىن بۇزعانداردى تىركەيدى.