الماتىدا استانا الاڭىندا جاڭا جىل اۋقىمدى تۇردە ءارى ەرەكشە تويلاندى، دەپ حابارلايدى aqshamnews.kz
استانا الاڭىنا جينالعان الماتى تۇرعىندارى مەن قالا قوناقتارى مەملەكەت باسشىسىنىڭ جاڭا جىلدىق قۇتتىقتاۋىن كورىپ، ىلە-شالا قازاقستان رەسپۋبليكاسىنىڭ مەملەكەتتىك ءانۇرانىن قوسىلا شىرقادى.
ءىس-شارانىڭ شارىقتاۋ شەگى دەپ 2025 جىلدىڭ العاشقى ساتىندە-اق تۇنگى اسپاندى جارقىراتقان عالامات وتشاشۋدى ايتۋعا بولادى. جينالعاندار ءتۇرلى-تۇستى وتشاشۋلارعا تامسانا قاراپ، تاريحي ءساتتى قالت جىبەرمەۋگە تىرىسىپ، ەستەلىككە بەينەگە ءتۇسىردى.
جاڭا جىلدىق كونسەرت بارىسىندا قازاقستاننىڭ تانىمال ارتيستەرى ونەر كورسەتتى. ولاردىڭ اراسىندا Chingiz Typhoon، Makvin، Orynkhan، 6ellucci، مارحابا ءسابي، Moldanazar، RaiM جانە 2RAR بولدى. سونداي-اق، كورەرمەندەرگە ديدجەيدىڭ اۋەزدى مۋزىكاسى ۇسىنىلدى.
استانا الاڭىنداعى جاڭا جىلدىق ءىس-شارا 2024 جىلدىڭ قورىتىندىسى مەن 2025 جىلدىڭ شىمىلدىعىن اشۋ بولدى. بۇل كەشتى اشىق اسپان استىندا وتكىزۋدى ۇيعارعان بارلىق قاتىسۋشى ۇمىتىلماس اسەر الدى.
ايتا كەتسەك، بۇگىن الماتىدا تاعى ءبىر اۋقىمدى كونسەرت اباي الاڭىندا ءوتتى. وندا بۇركىت، عازيزحان شەكەربەك، 2RAR، بويز-بەند «Aلl داۆاي» توبىنىڭ ءسوليسى ءارى پروديۋسەرى شوقان مارات ۇلى جانە باسقا دا تانىمال ونەرپازدار ءان-جىردان شاشۋ شاشتى.