جاڭا جىل قارساڭىندا الماتى پوليسياسى كۇشەيتىلگەن قىزمەت كورسەتۋ رەجيمىنە اۋىستىرىلدى.
الماتى قالالىق دەپارتامەنتىنىڭ باسپا ءسوز قىزمەتى مەگاپوليستە جاڭا جىل ءتۇنى قالاي وتكەنىن باياندادى، دەپ حابارلايدى aqshamnews.kz
"پاترۋلدىك ناريادتاردىڭ سانى كوبەيتىلدى، قىزمەت كورسەتۋ مارشرۋتتارى كوبەيىپ، ق ر ءىىم ۇلتتىق ۇلانىنىڭ 300 اسكەري قىزمەتشىسى جاياۋ پاترۋلدەۋگە تارتىلدى. ازاماتتاردىڭ جاپپاي جينالاتىن ورىندارى مەن مادەني-كوركەمدىك شارالار وتكىزىلەتىن ورىندار ەرەكشە باقىلاۋعا الىندى. جالپى جاڭا جىل ءتۇنى قالاداعى قوعامدىق ءتارتىپتى قامتاماسىز ەتۋگە ءۇش مىڭنان استام پوليسەي جۇمىلدىرىلدى"، – دەپ حابارلادى پوليسيا.
قابىلدانعان شارالاردىڭ ناتيجەسىندە 31 جەلتوقساننان 1 قاڭتارعا قاراعان ءتۇنى الماتىدا سالىستىرمالى تۇردە تىنىش ءوتتى.
"وتكەن تاۋلىكتە مەگاپوليستە ءۇش مۇلىكتىك قىلمىس جاسالدى. ولار پاترۋلدىك پوليسيا قىزمەتكەرلەرى تاراپىنان "ءىزىن سۋىتپاي" اشىلدى. سونداي-اق قالا جولدارىندا بەس ماس جۇرگىزۋشى ۇستالىپ، كولىك باسقارۋدان شەتتەتىلدى"، – دەپ مالىمدەدى الماتى پد باسپا ءسوز قىزمەتى.