الماتىدا جاڭا جىل ءتۇنى جەدەل جاردەمگە شاقىرتۋ از ءتۇستى

جول-كولىك وقيعاسى مەن فەيەرۆەركتەن جاراقات العاندار مۇلدەم تۇسپەگەن

جاڭا جىل ءتۇنى بارلىعى تويلاپ جاتقاندا دارىگەرلەر كەزەكشىلىككە شىعىپ، جۇمىس ىستەدى. ولاردا مەيرام كۇندەرى دەمالىس دەگەن بولمايدى، دەپ حابارلايدى Almaty-akshamy.kz Baq.kz-كە سىلتەمە جاساپ.

الماتى قالالىق جەدەل شۇعىل كومەك كورسەتۋ اۋرۋحاناسىنا جاڭا جىل ءتۇنى 90 ادام تۇسكەن، ونىڭ 12ء-سى اۋرۋحاناعا جاتقىزىلعان. ادامدار اۋرۋحاناعا نەگىزىنەن اۋرۋىنىڭ اسقىنۋىمەن جۇگىنگەن، تەك 18 ادام جاراقات بويىنشا حابارلاسقان. جول-كولىك وقيعاسى مەن فەيەرۆەركتەن جاراقات العاندار مۇلدەم تۇسپەگەن.

"ادامدار ءوز دەنساۋلىعىنا نەمقۇرايلى قارامايتىن بولدى، بۇرىن فەيەرۆەركتەن كۇيىپ قالعاندار كوپتەپ تۇسەتىن، ءقازىر ونداي جاعدايمەن تۇسەتىندەر مۇلدەم جوق. جاڭا جىل ءتۇنى ناۋقاستار دا از كەلدى، ادەتتە ءبىز تاۋلىگىنە 160-190 –داي ناۋقاستى قابىلدايمىز، ال 31 جەلتوقساندا 90-عا جۋىق ادام كەلدى"، - دەيدى اۋرۋحانانىڭ قابىلداۋ ءبولىمىنىڭ مەڭگەرۋشىسى باۋىرجان وماروۆ.

سونىمەن، كەزەكشىلەر جاڭا جىلدى قارسى الۋعا ۇلگەردى، ءبىراق پاندەمياعا بايلانىستى ولاردىڭ كوپشىلىگى قورعانىس كيىمىمەن كەزەكشىلىك ەتەدى. ءبولىم مەڭگەرۋشىسى جاڭا جىل ءتۇنىن اۋرۋحانادا ەكى رەت قارسى العانىن ايتادى. وسى جولعى جاڭا جىلدا اۋرۋحانانىڭ قابىلداۋ بولىمىندە كەزەكشىلىككە 30 مەديسينا قىزمەتكەرى كەزەكشىلىككە شىققان.