جينالىس الماتى قالاسى مەكتەپتەرىنىڭ 1-11 سىنىپ وقۋشىلارىنىڭ اتا-انالارىنا ارنالعان.
جينالىسقا 5000-نان اسا اتا-انا قاتىستى. سپيكەرلەر «بالالاردىڭ جازعى دەمالىسى-دەنساۋلىق پەن العان اسەردىڭ كەپىلى» جازعى ساۋىقتىرۋ جانە ەڭبەكپەن قامتۋ تۇجىرىمداماسىن ىسكە اسىرۋ شەڭبەرىندە وي قوزعاپ، جاسوسپىرىمدەر اراسىنداعى وزەكتى ماسەلەلەردى كوتەردى، دەپ حابارلايدى Almaty-akshamy.kz.
بالالار جاراقاتىنىڭ الدىن الۋ بويىنشا الماتى قالاسى پروكۋرورىنىڭ بالالار قۇقىعىن قورعاۋ جونىندەگى كومەكشىسى دجانبەكوۆا گۇلنارا حاميت قىزى، اتا-انالارعا بالالاردىڭ تەرەزەدەن ءجيى قۇلاۋى، سۋ قويمالارىندا رۇقسات جوق جەرلەردە بالالارمەن شومىلۋعا بارماۋعا، دەمالىس كەزىندە بالالاردى قاراۋسىز قالدىرماۋ كەرەكىگىن ايتىپ كەتتى.
الماتى قالاسى دپ جكپ ەرەكشە تاپسىرمالار جونىندەگى اعا ينسپەكتورى، پوليسيا پودپولكوۆنيگى مىرزاحانوۆ داۋرەن بازارحان ۇلى - بالالاردىڭ جول-كولىك جاراقاتتانۋىنىڭ الدىن الۋ، سونداي - اق بالالاردا الماتى قالاسىنىڭ كوشەلەرى مەن جولدارىندا ءقاۋىپسىز ءجۇرىس-تۇرىس داعدىلارى تۋرالى ەرەجەلەرمەن تانىستىرىپ، ءقاۋىپسىز شارالارمەن تانىستىردى.
الماتى قالاسى جپقد دپ يۋۆەنالدى پوليسيا ءبولىمىنىڭ باستىعى شونجانوۆا جاننا تۇرسىنحان قىزى - كامەلەتكە تولماعاندار اراسىنداعى قۇقىق بۇزۋشىلىقتىڭ كوبەيىپ بارا جاتقانىن، وتباسىندا بالالارعا كوبىرەك ۋاقىت ءبولىپ، قۇقىقبۇزۋشىلىقتىڭ الدىن الۋ بويىنشا ءتۇسىندىرىپ كەتتى.
الماتى قالاسى بويىنشا «ناركوستوپ» جوباسىنىڭ وكىلى نۇرسەيىتوۆا جانارا بەكسۇلتان قىزى - جاستار اراسىندا سينتەتيكالىق ەسىرتكىنى تۇتىنۋدىڭ قاۋىپتىلىگىن ايتتى.
«سەنىمەن بولاشاق» رەسپۋبليكالىق قوعامدىق بىرلەستىگىنىڭ وكىلى كۇنبولاتوۆا قۋانىش قۋات قىزى - ءبىلىم بەرۋ ورتاسىنىڭ پسيحولوگيالىق قاۋىپسىزدىگى بويىنشا وي قوزعادى.
الماتى قالاسى قالالىق موبيلدىلىك باسقارماسىنىڭ وكىلى، Jet Sharing كومپانياسىنىڭ ديرەكتورى راحيمگالييەۆ تالعات - مەكتەپ جاسىنداعى بالالاردىڭ ەلەكتر ساموكاتتاردىڭ پايدالانۋعا تىيىم سالۋ تۋرالى ايتتى.
اتا-انالارعا بالالاردىڭ كەڭىستىكتەگى قاۋىپسىزدىگىن قامتاماسىز ەتۋ، ساقتىق شارالارىن ايتا وتىرىپ، ماسەلەلەردى ايقىنداپ، الدىن الۋ جولدارى مەن تاراتپالار ۇسىندى. سونمەن قاتار جاسوسپىرىمدەر پسيحولوگياسى، بالاعا تاربيە بەرۋدە توزىمدىلىكپەن، سابىرمەن، سەنىممەن، سونىمەن قاتار سۇيىسپەنشىلىكپەن جانە دۇرىس تاربيە بەرۋدىڭ ماڭىزى زور ەكەنى اتاپ ايتىلدى.
اتا-انالار جينالىس سوڭىندا سپيكەرلەرگە وزدەرىن مازالاپ جۇرگەن ماسەلەلەر بويىنشا سۇراقتارىن قويىپ، ءتيىستى جاۋاپ الىپ، الداعى ۋاقىتتا وسىنداي جينالىستار كوبىرەك وتكىزىلسە دەگەن ۇسىنىستارىن ايتىپ، العىستارىن ءبىلدىردى.
