الماتى قالاسى بويىنشا قارجىلىق مونيتورينگ اگەنتتىگىنىڭ دەپارتامەنتى «Comfort Time» ج ش س جانە وعان بايلانىستى كومپانيالارعا قاتىستى تەرگەۋ جۇرگىزىپ جاتىر، دەپ حابارلايدى aqshamnews.kz
ۇيىمداستىرۋشىلار جالعان كاسىپورىندار ارقىلى جۇمىس ىستەمەيتىن ازاماتتارعا زەينەتاقى اۋدارىمدارىن راسىمدەپ، بانكتەردى تابىسى مەن تولەم قابىلەتتىلىگى جونىندە جاڭىلىستىرعان.
سونىڭ ارقاسىندا ولار نەسيە الۋعا قول جەتكىزگەن.
سحەما بويىنشا دەلدالدار نەسيە سوماسىنىڭ 10%-ىنا دەيىن «سىياقى» الىپ وتىرعان. ناتيجەسىندە 399 ملن تەڭگە كولەمىندە 140 قايتارىلمايتىن نەسيە بەرىلگەن.
وسىنداي دەرەكتەر استانا، الماتى، شىمكەنت قالالارىندا جانە جەتىسۋ، اباي، ماڭعىستاۋ، جامبىل، اقتوبە وبلىستارىندا دا انىقتالدى.