الماتىدا جالعان تۇبىرتەكپەن ساتۋشىلاردى الداعان الاياق ۇستالدى

الماتىدا 21 جاستاعى الاياق ساتۋشىلاردى جالعان تۇبىرتەكپەن الداپ كەتتى

ءتارتىپ ساقشىلاردىڭ ايتۋىنشا، ۋ.ەسىمدى ازامات ينتەرنەتتەن “Iphone” ماركالى ۇيالى تەلەفونداردى ساتۋ تۋرالى جارنامالاردى تاپقان، دەپ حابارلايدى Almaty-akshamy.kz

«ول ساتۋشىلارمەن الدىن الا كەزدەسۋگە كەلىسىپ، حابارلاندىرۋدا كورسەتىلگەن سوماعا جالعان ونلاين-اۋدارىم تۇبىرتەگىن دايىنداعان، ياعني قاسكوي كەزدەسۋگە دايىندالىپ كەلگەن. قىلمىستىق جولمەن الىنعان ۇيالى تەلەفونداردى ءۇشىنشى تۇلعالارعا ساتقان. ال تۇسكەن قاراجاتتى ءوز قالاۋى بويىنشا پايدالانعان. جەدەل-ىزدەستىرۋ ءىس-شارالارى بارىسىندا 21 جاستاعى كۇدىكتى قولعا ءتۇستى. ءقازىر ونىڭ قاتىسۋىمەن ءتورت الاياقتىق فاكتىسى دالەلدەندى. قىلمىستىق ءىس سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 190-بابى 3ء-بولىمى بويىنشا قوزعالدى»، – دەپ حابارلادى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.

كۇدىكتى ءقازىر ۋاقىتشا ۇستاۋ يزولياتورىندا. پوليسيا قىزمەتكەرلەرى الدانعانداردىڭ كوبىرەك بولۋى مۇمكىن ەكەنىن جوققا شىعارمايدى.  

«ۇستالعان ادامنىڭ سۋرەتىنە مۇقيات قاراۋلارىڭىزدى سۇرايمىز. وسى ازاماتتىڭ ارەكەتىنەن زارداپ شەككەندەردىڭ بارلىعىن مىنا تەلەفون نومىرلەرى ارقىلى حابارلاسۋلارىن سۇرايمىز: 8-708-707-9202؛ 8-705-555-7763؛ 8-775-719-2727»، – دەدى ە.ىسقاقوۆ.