الماتى پوليسياسى تاعى ءبىر جالعان تەرروريستتى ۇستادى، – دەپ حابارلايدى almaty-akshamy.kz Polisia.kz. سىلتەمە جاساپ.
“102” پۋلتىنە بايلانىس وپەراتورلارىنىڭ بىرىنەن بەلگىسىز بىرەۋ كەڭسەسىن جارىپ جىبەرەمىن دەپ قورقىتقانى تۋرالى حابارلاما كەلىپ تۇسكەن. قالانىڭ جەدەل جانە توتەنشە جاعدايلار قىزمەتى دەرەۋ وقيعا ورنىنا جەتتى. عيماراتتا كوميسسيالىق تەكسەرۋ جۇرگىزىلدى. ناتيجەسىندە جارىلعىش زات تابىلمادى.
– ءبىزدىڭ بولىمشە قىزمەتكەرلەرى المالى اۋداندىق پب ارىپتەستەرمەن بىرلەسىپ جالعان تەرروريستى ۇستادى. ول 50 جاستاعى جەرگىلىكتى تۇرعىن بولىپ شىقتى. اتالعان دەرەك بويىنشا ق ر قك-نىڭ 273-بابى بويىنشا سوتقا دەيىنگى تەرگەۋ باستالدى. بۇل باپتىڭ سانكسياسى بەس جىلعا دەيىن باس بوستاندىعىنان ايىرۋدى قاراستىرادى. مۇنداي زاڭسىز ارەكەتتەر توتەنشە جاعدايلار مەن قۇقىق قورعاۋ ورگاندارىنىڭ ايتارلىقتاي كۇشتەرى مەن رەسۋرستارىن جۇمساۋعا اكەپ سوعاتىنى بارشاعا ءمالىم. ايتا كەتەرلىگى، كىنالى ادام جاۋاپقا تارتىلۋمەن قاتار، سوت شەشىمىمەن جالعان قوڭىراۋ شالعانى ءۇشىن شىعىندى تولىعىمەن تولەيدى، – دەدى الماتى قالالىق پد ەكسترەميزمگە قارسى كۇرەس باسقارماسىنىڭ باسشىسى دارحان ءابىقۇلوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.