ىزدەۋ جاريالانعان قوس قىلمىسكەر قولعا ءتۇستى.
كۇدىكتىلەردىڭ ءبىرى ادامعا اۋىر دەنە جاراقاتىن سالعانى ءۇشىن مەملەكەتارالىق ىزدەۋدە بولعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
ەكىنشىسى ادام توناعان.
«ءبىزدىڭ بولىمشەنىڭ كريمينالدىق پوليسيا قىزمەتكەرلەرى “قۇقىقتىق ءتارتىپ” رەسپۋبليكالىق جەدەل الدىن الۋ ءىس-شاراسى بارىسىندا ەكى قىلمىسكەردى دە ۇستادى. قىلمىس ورنىنان قاشىپ كەتكەن 26 جاستاعى ك. ەسىمدى ازاماتقا ءبىز ىزدەۋ جاريالاعان بولاتىنبىز. ۇستاۋ بارىسىندا ونىڭ قاسىندا 22 جاستاعى س. ەسىمدى ازامات بولدى. بۇل كۇدىكتىنى جامبىل وبلىسى قورداي اۋدانى پوليسياسىنداعى ارىپتەستەرىمىزدىڭ ىزدەپ جاتقاندىعى انىقتالدى. ول سول جاقتا ادامدى توناپ كەتكەن»، – دەدى ناۋرىزباي اۋداندىق پوليسيا باسقارماسىنىڭ باستىعى دانيار مەڭدەبايەۆ.
ونىڭ ايتۋىنشا، كۇدىكتىلەردى ۇستاۋ كەزىندە ولاردان كەسىلگەن شولاق مىلتىق پەن وعان ارنالعان پاتروندار تابىلىپ، تاركىلەندى. سونىمەن قاتار سوت-بالليستيكالىق ساراپتاما تاعايىندالدى.