الماتىدا يت پىشاقپەن شابۋىلداعان ەر ادامنان يەسىن قۇتقارىپ قالدى.
الەۋمەتتىك جەلىدە الماتىدا بەلگىسىز بىرەۋ يتىمەن سەرۋەندەپ جۇرگەن ەر ادامعا پىشاقپەن شابۋىل جاساعانى تۋرالى اقپارات پايدا بولدى، دەپ حابارلايدى Almaty-akshamy.kz.
الماتى قالالىق پوليسيا دەپارتامەنتى المالى اۋداندىق پوليسيا باسقارماسىنىڭ قك-تىڭ 316-بابى 2-بولىگىمەن (جانۋارلارعا قاتىگەزدىكپەن قاراۋ) قىلمىستىق قۇقىق بۇزۋشىلىق دەرەگى بويىنشا قىلمىستىق ءىس قوزعاپ جاتقانىن مالىمدەدى.
كۇدىكتى - 1987 جىلى تۋعان ب. ەسىمدى ازامات ۇستالدى.
«كۇدىكتى ءيتتىڭ يەسى ەكەۋىنىڭ اراسىندا تۋىنداعان جانجالدان سوڭ، ءۇي جانۋارىن وزىنە قارسى جىبەرگەنىن جانە ءوزىن قورعاۋعا ءماجبۇر بولعانىن ايتتى. وقيعانىڭ وبەكتيۆتى ءمان-جايلارى قوسىمشا تەرگەۋ بارىسىندا انىقتالاتىن بولادى»، - دەپ حابارلادى الماتى قالالىق پوليسيا دەپارتامەنتىنىڭ باسپا ءسوز قىزمەتى.