ينستيتۋت يسلام اتىن جامىلعان ءتۇرلى جاماعاتتار مەن اعىمداردىڭ ءدىني ۇستانىمدارى مەن جاسىرىن يدەيالارىن عىلىمي تۇرعىدان اشكەرەلەۋگە نازار اۋدارادى.
الماتىدا قازاقستان مۇسىلماندارى ءدىني باسقارماسى جانىنداعى يسلام عىلىمي-زەرتتەۋ ينستيتۋتى اشىلدى، دەپ حابارلايدى aqshamnews.kz
يگى شارا قاسيەتتى قۇران اياتتارىن وقۋمەن باستالىپ، قمدب ءتوراعاسى ەل اماندىعى مەن تىنىشتىعى ءۇشىن دۇعا جاساپ، جاڭا باستاماعا بەرەكە تىلەدى.
«وزدەرىڭىز جاقسى بىلەسىزدەر، مەملەكەت باسشىسى ءقادىرلى قاسىم-جومارت كەمەل ۇلى ۇكىمەت مۇشەلەرىمەن وتكەن باسقوسۋدا: «حالقىمىزدىڭ دۇنيەتانىمىنا ساي ءداستۇرلى يسلامدى دارىپتەۋ اسا ماڭىزدى. ونىڭ عىلىمي-تەوريالىق نەگىزىن دامىتۋ قاجەت...» دەگەن بولاتىن. پرەزيدەنتىمىز ماڭىز بەرگەن باعىت بويىنشا ءداستۇرلى ءدىنىمىزدىڭ اسىل قۇندىلىقتارىن عىلىمي-تەوريالىق تۇرعىدان دامىتۋ، اتا-بابالارىمىز ۇستانعان يسلامنىڭ سۇننيتتىك باعىتتاعى حانافي ءمازھابىن جاڭعىرتۋ ماقساتىندا جىل باسىندا قمدب جانىنداعى يسلام عىلىمي-زەرتتەۋ ينستيتۋتى اشۋدى جوسپارلاعان بولاتىنبىز. اللاعا شۇكىر، بۇل جوسپارىمىز دا ورىندالىپ، قۋانىشقا كەنەلىپ وتىرمىز. ءوز كەزەگىندە ينستيتۋت ۇجىمى يسلام اتىن جامىلعان ءتۇرلى جاماعاتتار مەن اعىمداردىڭ ءدىني ۇستانىمدارى مەن جاسىرىن يدەيالارىن عىلىمي تۇرعىدان اشكەرەلەۋگە، سول ارقىلى ەلىمىزدىڭ تۇتاستىعى مەن حالقىمىزدىڭ بىرلىگىنە سىزات تۇسىرەتىن قاۋىپ-قاتەرلەردىڭ الدىن الۋعا نازار اۋدارادى» دەدى باس ءمۇفتي.
سونداي-اق ينستيتۋتتىڭ اشىلۋ راسىمىندە بەلگىلى ماتەماتيك-عالىم اسقار جۇمادىلدايەۆ، حالىق جازۋشىسى سماعۇل ەلۋباي ارنايى ءسوز سويلەپ، يگى باستاماعا تابىس پەن بەرەكە تىلەدى. بۇدان كەيىن سالتاناتتى ءراسىم ءوتىپ، شاراعا قاتىسۋشىلار ينستيتۋت جۇمىسىمەن تانىستى. 