ولار گوگول كوشەسىندە ورنالاسقان ينتەرنەت-دۇكەننىڭ ەسىگىن بۇزىپ كىرىپ، ونداعى زاتتاردى كوتەرگەندەرىنشە الىپ كەتكەن.
الماتىدا جاپپاي تارتىپسىزدىك كەزىندە ءۇش جىگىت ينتەرنەت-دۇكەندى توناعان، دەپ حابارلايدى Almaty-akshamy.kz
جاپپاي تارتىپسىزدىك كەزىندە بەلگىسىز بىرەۋلەر گوگول كوشەسىندە ورنالاسقان ينتەرنەت-دۇكەننىڭ ەسىگىن بۇزىپ كىرىپ، ونداعى زاتتاردى كوتەرگەندەرىنشە الىپ كەتكەن. پوليسيا دەپارتامەنتىنەن ءمالىم ەتكەندەي، ولاردىڭ ەڭ ۇلكەنى 30 جاستا. ول وڭتۇستىك قازاقستان وبلىسىنىڭ تۋماسى، بۇعان دەيىن دە بوتەننىڭ مۇلكىن ۇرلاعانى ءۇشىن سوتتالعان. 23 جاستاعى شىعىس قازاقستان وبلىسىنىڭ تۋماسى مەن 22 جاستاعى الماتىلىق ازامات العاش رەت قىلمىس جاساپ وتىر.
«ءتىنتۋ كەزىندە ەكى نوۋتبۋك، ءۇش بۋ تازالاعىش، ەكى كۇرتەشە، سپورتتىق كوستيۋم جانە باسقا دا تاۋارلار تاركىلەندى. اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە»، - دەپ ءمالىم ەتتى پوليسيادا.