الماتىدا ينتەرنەت-الاياقتىق ازايىپتى

قالامىزدا جىل باسىنان ينتەرنەت-الاياقتىقتىڭ 207 فاكتىسى تىركەلگەن.

وتكەن جىلدىڭ وسى كەزەڭىمەن سالىستىرعاندا، بۇل كورسەتكىش 3،3 ەسەگە از، دەپ حابارلايدى Almaty-akshamy.kz

«وتكەن جىلى الەۋمەتتىك جەلىلەر مەن تانىمال ساۋدا الاڭدارى ارقىلى ازاماتتاردى الداعان 97 ينتەرنەت الاياعى ۇستالدى. الاياقتىقتىڭ الدىن الۋ ماسەلەسىندە ادامداردىڭ اقپاراتتىق ساۋاتتىلىعى مەن قىراعىلىعى ماڭىزدى. سەبەبى جەكە مۇلىكتىڭ قورعالۋىنا، ەڭ الدىمەن، ولار وزدەرى كەپىل بولا الادى. ءىس جۇزىندە، وكىنىشكە وراي، ءبىز ينتەرنەتتە ساۋدا جاساۋ مادەنيەتىنىڭ مۇلدەم جوقتىعىن كورەمىز. پاندەميانىڭ باستالۋىمەن كوپتەگەن تۇرعىن ءۇي جانە تۇرمىستىق ماسەلەلەردى شەشۋ ونلاين دەڭگەيگە كوشتى. بۇل فاكتور، جەڭىل اقشاعا اۋەستەرگە «پايداسىن» تيگىزدى»، - دەدى الماتى قالالىق پوليسيا دەپارتامەنتى كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.

باسقارما باستىعىنىڭ ايتۋىنشا، ينتەرنەت-الاياقتىقتىڭ نەگىزگى تۇرلەرى كورسەتىلىپ، ازاماتتارعا وزدەرىن قورعاۋ جولدارى ۇسىنىلعان الەۋمەتتىك روليكتەر بىرەر اي بۇرىن ازىرلەنىپ، كەڭىنەن تاراتىلعان.

«سونىمەن قاتار، جەلىلەرگە مونيتورينگ جۇرگىزىلۋدە. انىقتالعان الاياقتىق سايتتار مەن سىلتەمەلەردىڭ تىزىمدەرى اپتا سايىن بۇعاتتاۋ ءۇشىن ءارى قاراي جىبەرىلەدى. 2021 جىلى ءبىزدىڭ باستامامىز بويىنشا الەۋمەتتىك جەلىلەر مەن الاڭدارداعى 477 سايت پەن الاياقتىق پاراقشالار بۇعاتتالدى»، - دەدى پودپولكوۆنيك قۋاتبەك ناۋاتوۆ.